| e-texts navigator |
| བོད་ཡིག |
34b1 don du mi gnyer ba de'i tshe bdud phyir rgol pa bcom pa yin no/ / blo gros rgya mtsho bdud ni bzhi po 'di dag ste/ bzhi gang zhe na/ phung po'i bdud dang / nyon mongs pa'i bdud dang / 'chi bdag gi bdud dang / lha'i bu'i bdud de/ bzhi po 'di dag ni
34b2 bdud do/ / de la sgyu ma'i chos su so sor rtog pas phung po'i bdud 'joms/ stong pa nyid nges par sems pa la so sor rtog pas nyon mongs pa'i bdud 'jom mo// skye ba med pa dang / 'byung ba med par so sor rtog pas 'chi bdag
34b3 gi bdud 'dzem/ / nga rgyal gyis sgro btags pa thams cad 'gog par 'gyur ba'i lam gyis lha'i bu'i bdud 'dzem mo// gzhan yang sdug bsngal yongs su shes pas phung po'i bdud 'dzem mo// kun 'byung ba spong bas
34b4 nyon mongs pa'i bdud 'jom mo/ / 'gog pa mngon sum du byed pas 'chi bdag gi bdud 'dzem mo// lam bsgom pas lha'i bu'i bdud 'jom mo// gzhan yang 'du byed thams cad la sdug bsngal du so sor rtog pas phung
34b5 po'i bdud 'dzem mo/ / bdud thams cad la mi rtag par so sor rtog pas nyon mongs pa'i bdud 'dzem mo// chos thams cad la bdag med par so sor rtog pas 'chi bdag gi bdud 'dzem mo// mya ngan las 'das pa la zhi
34b6 par so sor rtog pas lha'i bu'i bdud 'dzem mo/ / blo gros rgya mtsho gzhan yang gang gi tshe byang chub sems dpa' nang gi nyon mongs pa'i dri ma spangs te byang chub kyi sems ma brjed par sbyin pa byin nas thams cad mkhyen pa nyid du yongs
34b7 su bsngo bar byed pa de'i tshe phung po'i bdud tshar gcod pa yin no/ / gang gi tshe lus la mi blta zhing lus la ma chags par sbyin pa byin nas rnam pa thams cad mkhyen pa nyid du yongs su bsngo bar byed pa de'i tshe nyon mongs pa'i bdud
34b8 tshar gcod pa yin no/ / gang gi tshe kye ma longs spyod 'di dag ni mi rtag pa thun mong pa ste/ de dag las bdag gis snying po blangs par 'gyur ro snyam ste sbyin pa byin nas thams cad mkhyen pa nyid du yongs su bsngo bar byed pa de'i tshe
iiif viewer powered by OpenSeadragon
Texts on this page
Q819 - 'phags pa blo gros rgya mtshos zhus pa zhes bya ba'i theg pa chen po'i mdo