rKTs

e-texts navigator

Volume

Page

33a₁ bka' stsal pa/ blo gros rgya mtsho 'di ltaste dper na/ skyes bu la la zhig nam mkha' dang g.yul 'gyed pa 'dod par gyur na des nam mkha'i go cha nyid bgo bar bya'o// blo gros rgya mtsho de bzhin du shin tu
33a₂ dkar ba dri ma med pa'i phyag rgya'i ting nge 'dzin thob par 'dod pas chos thams cad mnyam pa nyid kyi go cha nyid bgo bar bya'o/ / de ci'i phyir zhe na/ blo gros rgya mtsho 'god pa ci 'dra bar 'thob pa'ang de 'dra ba'i phyir ro// blo gros rgya mtsho de
33a₃ la rnam par shes pa ni 'dus byas kyi sa bon no/ / rnam par rig pa med pa ni 'dus ma byas kyi sa bon te/ ting nge 'dzin 'di ni rnam par rig pa med pa'i sa bon no// ting nge 'dzin 'di ni mig gi rnam par shes pas rnam par shes par
33a₄ byab ma yino/ / rna ba dang sna dang / sde dang lus dang / yid kyi rnam par shes pas rnam par shes par bya ba ma yin no// ting nge 'dzin 'di ni rnam par rig pas rtogs par bya ba ma yin no// tshor rabs ma yin te/ ting nge 'dzin 'dir
33a₅ tshor ba dang / rnam par rig pa med pa'i mtshan nyid do// chos thams cad mnyam pa nyid du rtogs pas de'i phyir yang dag par rdzogs pa'i sangs rgyas shes bya'o// blo gros rgya mchongs ni mtshan nyid gzhan gyis kun nas nyon mongs pa mngon
33a₆ par rdzogs par sangs rgyas pa ma yin/ mtshan nyid gzhan gyis rnam par byas mngon par rdzogs par sangs rgyas pa ma yin no// de ci'i phyir zhe na/ kun nas nyon mongs pa'i mtshan nyid gang yin pa de nyid rnam par byang ba'i mtshan
33a₇ nyid de/ 'di lta ste/ rang bzhin gyis rnam par dag pa'i mtshan nyid do// rang bzhin gyis rnam par dag pa'i mtshan nyid gang yin pa de mtshan nyid med pa'o// mtshan nyid med pa gang yin pa de mtshan ma med pa'o// mtshan ma med pa
33a₈ gang yin pa de la so sor rnam par rig pa gang yang med do/ / blo gros rgya mtsho chos thams cad ni rnam par rig pa med cing rnam par rig par bya ba ma yin pa'o// chos gang rnam par rig pa med cing rnam par rig par bya ba ma yin pa//

_{iiif viewer powered by OpenSeadragon}

32b - 33b

Texts on this page