rKTs

e-texts navigator

Volume

Page

18b₁ pa'i byang chub sems dpa'i ngan du brjod pa dang ngan du smras pa'i tshig gi lam dang / gshe ba dang sdigs pa dag pha rol las thos nas pha rol tu phyin pa drug bsgom pa yongs su rdzogs par 'gyur zhing theg pa chen po
18b₂ de las kyang mi nyams te 'di ni byang chub sems dpa'i ngag gi gnod pa bzod pa'o/ / blo gros rgya mtsho de la byang chub sems dpa'i sems kyi gnod pa bzod pa gang zhe na/ gang bdud thams cad kyis byang chub kyi sems
18b₃ de las phral yang mi g.yo ba dang / phas kyi rgol ba dmigs par lta ba la mngon par zhen pa thams cad kyis yang dag pa'i bsam par zhugs pa thams cad mkhyen pa'i sems de las mos pa bzlog kyang mi
18b₄ brjed pa dang / sangs rgyas kyi gzugs su 'dug kyang mi mnyam pa dang mnyam pa'i sems de las nyams par byed mi nus te bdud rdzu 'phrul chen po dag gis khyod kyi theg pa chen po yang dag par bsgrubs par mi
18b₅ nus kyis khyod kyis gces par bya ba 'di thong shig/ khyed kyis brtson 'grus 'di 'or cig/ byang chub ni rnyed par dka' ba/ sangs rgyas kyi chos rnams ni rnyed par dka' ba ste 'dir 'khor ba'i sdug bsngal mang du med
18b₆ par 'gyur ro/ / gang dag mya ngan las 'das pa de dag ni bde ba yin gyis skyes bu dam pa khyod myur du mya ngan las 'das par gyis shig ces de la sems skul zhing sems dran par byed la/ blo gros rgya mtshog la
18b₇ byang chub sems dpa' sems dpa' chen po la de ltar bral bar byed de ltar mos pa bzlog par byed kyang sngon gyi go cha mi 'dor zhing bsam pa rnam par 'khrug par mi byed kyi de 'di snyam du sems te/ bdag gis
18b₈ nges par byang chub kyi snying po gnan par bya/ bdag gis nges par bdud dpung dang bcas par 'pham par byas te bla na med pa yang dag par rdzogs pa'i byang chub mngon par rdzogs par 'tshang rgya bar bya/ bdag gis

_{iiif viewer powered by OpenSeadragon}

18a - 19a

Texts on this page