| e-texts navigator |
| བོད་ཡིག |
123a1 sems bskyed do// tshig 'di skad ces bdag cag kyang byang chub sems dpa' blo gros rgya mtsho'i dran pa'i stobs bskyed pa ci 'dra bar gyur cig ces smras so// thams cad dang ldan pa'i 'khor gyis
123a2 lha'i dang / mi'i me tog gis bcom ldan 'das dang / byang chub sems dpa' blo gros rgya mtsho la gtor mngon par gtor to// de nas bcom ldan 'das la byang chub sems dpa' pad ma bkod pas 'di skad ces
123a3 gsol to/ / bcom ldan 'das rigs kyi bu 'am rigs kyi bu mo gang chos kyi sgo'i le'u 'di thos nas mos pa dang / mos nas kyang 'dzin pa dang / 'chad pa dang klog pa dang / 'don pa dang rtog pa dang / de bzhin du
123a4 nan tan bgyid pa de bsod nams ji tsam zhig bskyed par 'gyur/ de nas bcom ldan 'das kyis byang chub sems dpa' pad ma bkod pa la tshigs su bcad de bka' stsal pa/ stong chen po'i 'jig rten khams
123a5 'di ni/ / gser gyis bkang ste bde gshegs phul ba bas// gang gis chos kyi mdzod 'di thos nas ni// mos pa'i bsod nams 'di ni khyad par 'phags// gang gis 'jig rten khams khri rin chen bkang // de bzhin
123a6 gshegs pa rnams la phul ba bas/ / gang gis mdo sde 'di la 'jug byas pa// bsod nams de la snga mas bskyed du med// gang gis 'jig rten khams ni stong phrag bcu// rin chen bkang ste sbyin pa byin pa
123a7 bas/ / gang gis mdo 'di bton nas son pa yi// bsod nams de'i cha ni snga ma min// zhing ni bye ba khrag khrig stong gi rnams// rin chen bkang ste 'jig rten slob dpon skyob// sangs rgyas rnams la dbul
123a8 bar phul ba bas/ / gang gis tshul 'dir rab tu sbyor ba dang // phyogs bcu rnams su gang gA'i bye snyed zhing // rin chen bkang ste rgyal la phul ba bas// ji ltar bstan pa bzhin du gang gnas pa'i//
iiif viewer powered by OpenSeadragon
Texts on this page
Q819 - 'phags pa blo gros rgya mtshos zhus pa zhes bya ba'i theg pa chen po'i mdo