| e-texts navigator |
| བོད་ཡིག |
190b1 par skya reng ma shar cing gdugs ma bdal bar yang sems can tshad ma mchis pa rnams kyi don gyi slad du 'di lta ste/ mya ngan las 'da' ba la rab tu bkod lags pas bcom ldan 'das de bzhin gshegs pas bdag gi yul
190b2 stongs par mdzad lags so/ / de skad ces gsol pa dang / bcom ldan 'das kyis bdud sdig can la 'di skad ces bka' stsal to// sdig can sems can gang dag dge ba'i chos rnams la mngon par mi brtson pa dang /
190b3 gang dag de bzhin gshegs pa'i yul la dad par mi byed pa de dag khyod kyi grogs yin la/ khyod kyang de dag gi grogs yin pas sdig can khyod kyi grogs mang du yod kyis/ sdig can du bar ma byed smre sngags ma 'don cig
190b4 de nas bcom ldan 'das kyis de'i tshe phyag gis sen mo'i rtse mos pa gzhi chen po las sa'i rdul zhig zangs nas bdud sdig can la bka' stsal pa/ sdig can 'di ji snyam du sems/ ci sen mo'i rtse mo la rten pa dang sa
190b5 gzhi chen po la rten pa'i rdul gang yin pa de gnyis gang mang snyam sems/ de skad ces bka' stsal pa dang / bcom ldan 'das la bdud sdig can gyis 'di skad ces gsol to// bcom ldan 'das bcom ldan 'das kyis
190b6 phyag gisen mo'i rtse mo la mchis pa'i dog sa'i rdul ni nyung gi sa gzhi chen po la mchis pa ni shin du mang lags so/ / de skad ces gsol ba dang / bcom ldan 'das kyis bdud sdig can la 'di skad ces bka
190b7 stsal to/ / sdig can 'di lta ste dper na nga'i sen mo'i rtse mo la 'dug pa'i rdul bas kyang ches nyung ba'i sems can dag ngas nyon mongs pa zad par byas te/ yongs su mya ngan las 'das pa bla na med pa la so sor bkod kyi/
190b8 sdig can 'di lta ste dper na sa gzhi chen po la rten pa'i rdul bas kyang ches mang ba'i sems can rnams ni khyod kyi yul du song bas na sems can gyi khams dpag tu med par yod kyis sdig can khyod dga' bar bgyis shig
iiif viewer powered by OpenSeadragon
Texts on this page
Q804 - 'phags pa khye'u bzhi'i ting nge 'dzin zhes bya ba theg pa chen po'i mdo