| e-texts navigator |
| བོད་ཡིག |
7b1 dang wa dang bya rgod dang bya rog rnams kyi zas yin na su zhig 'di lta bu 'chang ba la dga' bar byed/ rgya mtsho'i chu thams cad skra'i rtse mos blangs te/ ba lang gi rmig rjes su blugs par ni nus srid kyi/ lus nad bzhi rgya rtsa
7b2 bzhis gzir ba 'di snying po med pa 'am mi gtsang ba ni tshig tsam gyis brtan par mi nus so/ / sa chen po 'di rgya shug gi 'bras bu'i rus pa'i 'bru tsam sha stag du byas pa'am yungs 'bru tsam 'am rdu la phra rab kyi
7b3 rdul tsam sha stag du byas pas ni zad par 'gyur yang srid kyi/ lus 'di yod kyi bar du 'di'i nyes dmigs ni mthar thug par mi 'gyur te/ de bas na dam pa'i chos bsrung ba'i phyir 'di mchil ma bzhin du dor bar//
7b4 bya'o snyam ste/ 'di ltar dge bsnyen ma de dag thams cad chen po stong pa nyid dang mtshan ma med pa dang smon pa med pa bsgoms pa sems bsgoms pa sha stag ste/ 'di lta ste dge bsnyen ma 'tsho ba'i dpal zhes bya ba dang
7b5 dge bsnyen ma dpal phreng zhes bya ba dang / dge bsnyen ma sa ga zhes bya ba dang / de la sogs pa thams cad kyang theg pa chen po thos par 'dod la/ thos nas kyang gzhan dag la bstan par bya'o snyam du dam bcas pa/
7b6 bsrung bskur len pa bud med kyi lus ngan no snyam du smod pa dang lus snying po med do snyam du smod pa so so nas shas cher sgom pa dang / 'khor ba'i 'khor log zhig go snyam du sems pa sha stag dang / theg pa chen pos
7b7 skom la ngoms nas kyang gzhan skom pa dag ngoms par bya'o snyam du dam bcas pa sha stag dang / theg pa chen po la sred pa theg pa chen po la ser sna med pa/ 'jig rten thams cad dang 'thun par slob par 'dod pa
7b8 dang / grol nas gzhan dgrol bar bya'o// rgal nas gzhan bsgral bar bya'o// dkon mchog gsum gyi gdung ma 'chad par bya'o// chos kyi 'khor lo bskor bar bya'o snyam du slob par 'dod pa sha stag dang / go cha
iiif viewer powered by OpenSeadragon
Texts on this page
Q788 - 'phags pa yongs su mya ngan las 'das pa chen po theg pa chen po'i mdo