| e-texts navigator |
| བོད་ཡིག |
6b1 snying la sems shing yan lag thams cad kyi ba spu rgya skyegs kyi shing gi me tog ltar rtsa dmar ba ni langs mig ni mchi ma khrag lta bus gang ste/ mchog du sdug bsngal ba'i tshor ba dang ldan nas/ rang rang gi mchod pa'i
6b2 yo byad bud shing dang yam sreg shing dang shing rta dang rgyal mtshan dang gdugs dang ba dan rnams dang chas te zhal zas kyi mchog gis sbyar ba'i snod rnams thogs nas/ bcom ldan 'das ga la ba der dong ste lhags
6b3 nas/ bcom ldan 'das kyi zhabs la mgo bos phyag 'tshal te/ bcom ldan 'das la spos dang me tog phreng ba dang / phye ma dang phye ma zhib bu dang gdugs dang rgyal mtshan dang ba dan dang bla re chen po dag gis
6b4 mchod nas lan 'bum bskor ba byas te/ mig nas mchi ma rgyan mi 'chad par char bzhin du phab nas/ bdag nyid la sdug bsngal gyi rnam pa mang po byed cing / kye ma 'jig rten stongs par 'gyur ro// kye ma 'jig
6b5 nyen stongs par 'gyur ro zhes de skad du skang po che 'don te/ de bzhin gshegs pa'i zhabs drung na srog chags shi shu mar bzhin du 'gre ldog cing gsol ba 'debs te/ bcom ldan 'das de bzhin gshegs pa
6b6 dge slong gi dge 'dun gyi 'khor dang bcas pas bdag gis sbyar ba'i bshos gsol par ci ga nang / bcom ldan 'das bdag la thugs brtse ba'i slad du sbyin pa'i tha ma de bzhin gshegs pas bzhes su gsol
6b7 zhes gsol ba 'debs so/ / de nas bcom ldan 'das thams cad mkhyen bzhin du cang mi gsung bar gyur ro// de dag gis lan gnyis lan gsum du de skad ces gsol kyang / lan gnyis lan gsum du
6b8 bcom ldan 'das cang mi gsung bar gyur to/ / de nas dge bsnyen gyi tshogs de dag re thag chad de cang mi zer bar 'khod nas/ bu gcig pa shi nas dur khrod du bor ma thag pa'i pha ma 'gre ldog pa bzhin du
iiif viewer powered by OpenSeadragon
Texts on this page
Q788 - 'phags pa yongs su mya ngan las 'das pa chen po theg pa chen po'i mdo