| e-texts navigator |
| བོད་ཡིག |
5a1 mang po re re zhing yang gser thags kyi mchog rnam par dag pa/ yul mang por grags pa dag gis spel ba sha stag go// de la yam sreg shing sA re zhing yang spos dri bsung zhim po dang me tog phreng dang gung /
5a2 gram gyi phye ma dang ldan par byas pa/ gser thags kyis g.yogs pa dang snas brgyan pa rin po che sna bdun gyi shugs sngon po dang ser po dang sngo skya dang dkar po dang btsod ka lta bu dag gi nang du bcug pa/ yul ka ling
5a3 ka'i ras dang zar ma'i ras dang zab dar dang / rgya dar gyi mchog rnams kyis dkris pa/ me tog mang pos brgyan pa byug pa dri bsung zhim po dag gis byugs pa sha stag go// yam sreg shing sna re'i shing rta re re zhing yang
5a4 rin po che sna bdun gyis brgyan pa gser gyis mdzes par byas pa kha cig/ kha cig du sngon po dang dkar po dang bab la'i kha dog dang li khri'i kha dog pas lhag pa'i 'od gsal ba dang ldan pa sha stag go/ shing rta de dag gi
5a5 gnya' shing rnams kyang rin po che sna bdun gyis brgyan pa/ dpe med pa rta cang shes mgyogs pa dag dang sbyar ba sha stag go// rta de dag kyang rlung gi shugs pas mgyogs pa/ spu kha chu sbyar gyi mdog dang ldong ros kyi mdog
5a6 dang sprin gyi mdog can sha stag ste/ thabs de 'dra ba'i shing rta re re'i mdun logs dang rgyab logs su rgyal mtshan dang ba dan bsgreng ste/ rgyal mtshan thams cad kyang rin po che las byas pa gser gyi dra bas g.yogs pa sha
5a7 stag go/ rgyal mtshan gyi mdun logs su yang gdugs rtsibs dang rtsa ba nor bu dri ma med pa 'od can las byas pa mu tig gi chun po sbyangs pa sha stag khyer ro// gdugs re re'i mdun logs su yang gser gyi me tog
5a8 kumud dang ud pa la dang pad ma dkar po sdong bu bai dUr+ya las byas pa/ ze ba rdo rje las byas pa bung pa mang po skad 'byin pa dri bsung zhim po dang ldan pa yid du 'ong ba 'od dang ldan pa che ba mang ba sha stag dang lda ldi chen po
iiif viewer powered by OpenSeadragon
Texts on this page
Q788 - 'phags pa yongs su mya ngan las 'das pa chen po theg pa chen po'i mdo