| e-texts navigator |
| བོད་ཡིག |
59b1 nas/ rtse bar byed pa na gang gi tshe rgyal po de btsun mo 'khor nas mi snang bar gyur pa de'i tshe shi'o snyam pa'i 'du shes bskyed par mi bya'o// rigs kyi bu de bzhin gshegs pa ni chos nyid las nyams par mi 'gyur te/ rgyal
59b2 po dang 'dra bar 'dzam bu'i gling du de bzhin gshegs pa mi rtag par gyur te zhes grongs pa'i 'du shes bskyed par mi bya'o/ / ji ltar rgyal po btsun mo 'khor nas bskyed mos tshal du song ste rtse ba de bzhin du de bzhin gshegs
59b3 pa dgra bcom pa yang dag par rdzogs pa'i sangs rgyas kyang nyon mongs pa'i rnam pa nyid kyi btsun mo'i 'khor lta bu las nges par 'byung ste/ nyon mongs pa med par bcom ldan 'das gzungs sna tshogs dang / byang chub kyi
59b4 yan lag gi me tog sna tshogs dang ldan pa'i bskyed mos tshal du gshegs nas de bzhin gshegs pa nyon mongs pa dang bral ba nyid kyi sku'i thabs ston pa sna tshogs kyis rol par mdzad do/ / gsol pa/ de bzhin gshegs
59b5 pa bskal pa grangs med pa bye ba snyed kyis nyon mongs pa'i rgya mtsho ngas par rgal ces bgyi ba 'di la gtan tshigs bka' stsal 'tshal lo/ / de ltar mngon sum du de bzhin gshegs pa sgra gcan zin gyi ma dang lhan cig du
59b6 'dod pa rnams ston pa dang / sgra gcan zin gyi yab tu gyur par yang bstan te/ de bas na de bzhin gshegs pa ni bskal pa du ma bye ba snyed kyis 'dod pa'i chu bo las nges par rgal ba ma lags so// bka' stsal pa/ rigs
59b7 k yi bu khrod de bzhin gshegs pa dgra bcom pa yang dag par rdzogs pa'i sangs rgyas da lta mngon sum du snga gcan zin gyi ma dang lhan cig tu 'dod pa rnams bsten pa dang sgra gcan zin gyi yab tu gyur par yang bstan
59b8 te/ de bas na de bzhin gshegs pa ni bskal pa du ma bye ba snyed kyis 'dod pa'i chu bo las nges par rgal ba ma yin no zhes de skad ma zer cig/ yongs su mya ngan las 'das pa chen po ni rtag pa chen po zhes bya ste/ sems
iiif viewer powered by OpenSeadragon
Texts on this page
Q788 - 'phags pa yongs su mya ngan las 'das pa chen po theg pa chen po'i mdo