| e-texts navigator |
| བོད་ཡིག |
59a1 lcags de 'od dang bcas par med par 'gyur ba ni mi srid do// de bzhin du de bzhin gshegs pa yang mya ngan las 'das pa chen po 'di dang bcas te mi rtag par 'gyur ba ni ma srad do// ji ltar lug
59a2 kyi me grang ba gyur ba de bzhin du de bzhin gshegs pa yang bskal pa mang po grangs med pa bye ba snyed du bsags pa'i nyon mongs pa rnams zad nas rtag pa dang brtan pa dang ther zug par 'gyur te/ de ltar na yang
59a3 dag par rnam par grol ba'i de bzhin gshegs pa ni rtag pa dang brtan pa dang ther zug pa yin no/ / 'dod pa'i 'dam ni nyon mongs pa rnams shes bya ba'i don te/ nyon mongs pa'i 'dam de las bskal pa grangs med
59a4 pas rgal bas na/ de'i phyir de bzhin gshegs pa yongs su mya ngan las 'das pa la de bzhin gshegs pa'i gnas gdags par mi nus te/ de bas na/ yang dag shes dang rnam grol ba// 'dod pa'i 'dam dang chu bo rgal
59a5 mi g.yo bde ba thob rnams kyang / / gang du song ba gdags su med// gsol pa/ bcom ldan 'das ci lags/ ji ltar lcags grangs par gyur kyang slad kyis yang zhugs kyis tsha bar 'gyur ba bzhin du gal te de
59a6 bzhin gshegs pa yang de dang 'dra bar 'gyur na ni mi rtag par 'gyur lags so/ / bka' stsal pa/ de bzhin gshegs pa ni rtag ste/ bdag nyid ma lta bur gyur nas lcags dang 'dra ba'i sems can mang po rnams//
59a7 ye shes kyi mes brda sprad nas yang dag pa ma yin pa'i nyon mongs pa rnams zad par mdzad do// gsol pa/ bcom ldan 'das legs lags so// legs lags so// de bzhin gshegs pa'i rtag pa nyid ma
59a8 lus par bshad du gsol/ bka' stsal pa/ rigs kyi bu gzhan yang dper na 'khor los sgyur ba'i rgyal po rang gi btsun mo'i 'khor du song ba las thang cig bskyed mos tshal gzhan zhig tu byung ste/ de der song
iiif viewer powered by OpenSeadragon
Texts on this page
Q788 - 'phags pa yongs su mya ngan las 'das pa chen po theg pa chen po'i mdo