| e-texts navigator |
| བོད་ཡིག |
56b1 skabs su bstan to/ / da 'dir ni sha za ba las gnod par 'gyur bar ngas bstan te// 'di ni nga yongs su mya ngan las 'da' ba'i tshe mang du bshad pa yin te/ 'di ni 'dri ba'i dbang zhes bya'o// de la don gyi dmigs byung ba'i dbang /
56b2 zhes bya ba ni dge slong ngam/ dge slong ma'am/ dge bsnyen nam/ dge bsnyen ma dag la 'di skad ces 'dri bar byed de/ de bzhin gshegs pas thog mar mgo gcig kho nar bka' stsal na/ bcom ldan 'das de bzhin
56b3 gshegs pa dgra bcom pa yang dag par rdzogs pa'i sangs rgyas kyis ko sa la'i rgyal po gsal rgyal la don dang tshig 'di rnams ci'i slad du bka' ma stsal/ bcom ldan 'das de bzhin gshegs pas chos kyi
56b4 sgo de ltar bka' stsal pa ni legs par gsungs pa ma lags so zhes zer na nyes par 'gyur ro zhes nga zer ro/ / srung ba zhes bya ba ni ji skad bshad 'dul ba zhes bya ba ni ji skad bshad/ so sor thar pa zhes bya ba ni ji
56b5 skad bshad ce na/ nyes pa gzhan yang du ma yod de de dag nyon cig/ de la so sor thar pa ji skad bshad ce na/ so sor thar pa zhes bya ba ni chog shes pa dang / yo byad bsnyungs pa dang / len pa med pa'o// gcig tu na so sor
56b6 thar pa zhes bya ba ni gnyi ga'i don las gso bar byed pa'i phyir ro/ / log pa'i tshig las grol bar byed pas na thar pa'o// srung ba zhes bya ba ni rung ba ma yin pa thams cad kyis 'tshe bas 'gro ba bzhi po rnams su ltung
56b7 bar byed pa dang / sems can dmyal ba mnar med pa la sogs pa 'jigs pa'i gnas thams cad du btso bar 'gyur ba de las srung ba'i phyir ro// 'dul ba zhes bya ba ni thob par byed pa dang / 'dul bar byed pa dang /
56b8 tshe ga ston pas ston pa'i phyir dang / rdzas ngan pa len pa la nges par 'byung ba med pa'i phyir rdzas ngan pa len pa yang med/ rdzas ngan pa sbyin pa yang med pa de na 'dul ba zhes bya'o// 'o na 'dul ba'i bslab pa'i gzhi de ci'i// /
iiif viewer powered by OpenSeadragon
Texts on this page
Q788 - 'phags pa yongs su mya ngan las 'das pa chen po theg pa chen po'i mdo