| e-texts navigator |
| བོད་ཡིག |
51b1 pa lags/ bka' stsal pa/ mdo 'di ni yongs su mya ngan las 'das pa chen po zhes bya ste/ tshangs par spyod pa thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzog/
51b2 pa/ yongs su dag pa/ yongs su byang ba/ rdo rje lta bu'i gter dang che bar grags pa yin no// rigs kyi bu dper na gang gA dang ya mun la sogs pa chu klung brgyad ni rgya mtsho chen po kho nar 'bab pa de bzhin du/ nyon mongs
51b3 pa rnam pa sna tshogs bye ba snyed kyi rang bzhin gyi bdud la sogs pa bdud thams cad las rnam par rgyal ba ni yongs su mya ngan las 'das pa chen po lus 'dor zhing 'chi ba 'di kho na nyid du 'du bar 'gyur te/ de bas na
51b4 yongs su mya ngan las 'das pa chen po zhes bya'o/ / gzhan yang dper na sman dpyad rig pa gsum la sogs pa'i rig pa rnams ni rang rang gi rgyud phyi ma kho nar yongs su 'du bar 'gyur ba de bzhin du de bzhin gshegs
51b5 pas gsungs pa'i dgongs pa'i tshig gsang ba'i chos kyi sgo rnam pa sna tshogs thams cad kyang yongs su mya ngan las 'das pa chen po kho na'i khongs su 'du bar 'gyur bas na/ de'i phyir yongs su mya ngan las 'das pa
51b6 chen po zhes bya'o/ / dper na dbyar gyi dus su zhing bas gshol chen pos rmos te sa bon btab nas sa bon 'grub par 'dod la/ grub nas ni thams cad grub pa'i mthar thug pa de yin pa'i phyir 'dod pa med par 'gyur ba de
51b7 bzhin du sems can rnams kyis mdo thams cad kyi ting nge 'dzin bsgoms zin nas kyang mdo gzhan gyi bcud 'dod par byed la/ mdo 'di'i bcur ni thams cad grub pa'i mthar thug pa dang / 'dis sems can thams
51b8 cad srid pa thams cad las rgal bar 'gyur ba yin no/ / rigs kyi bu dper na rjes kyi sna grangs ci yang rung ba de dag thams cad ni glang po che'i rjes kyi khongs su 'du bar 'gyur te/ glang po che'i rjes ni de dag gi nang na
iiif viewer powered by OpenSeadragon
Texts on this page
Q788 - 'phags pa yongs su mya ngan las 'das pa chen po theg pa chen po'i mdo