| e-texts navigator |
| བོད་ཡིག |
4a1 cad la snyoms par lta ba sha stag ste/ de dag thams cad snga dro'i nyi ma 'chang kar yan lag thams cad kyi ba spu rgya skyegs kyi shing gi me tog ltar rtsa dmar ba ni langs/ mig ni mchi ma khrag lta bus gang
4a2 ste/ mchog tu sdug bsngal ba'i tshor ba dang ldan nas sems can thams cad la phan pa dang bde ba dang snying brtse ba'i phyir dang gdul bar bya ba'i dbang gi don du/ theg pa chen po'i mchog du gsang ba stong pa nyid kyi rnam pa
4a3 dgongs pa'i tshig rnam pa sna tshogs kyi sgo'i tshul bshad par bya ba'i phyir/ bcom ldan 'das ga la ba der dong ste lhags nas bcom ldan 'das kyi zhabs la mgo bos phyag 'tshal te/ bcom ldan 'das la lan
4a4 'bum bskor ba byas nas/ bcom ldan 'das ga la ba der logs su thal mo sbyar ba btud de phyogs gcig tu 'khod do// yang de'i tshe bslab pa'i gzhi lnga blangs shing / tshul khrims dang tshig dang yon tan dang ldan pa'i
4a5 dge bsnyen 'od dri ma med par grags pa'i rgyal po la sogs pa dge snyen gang gA'i klung gnyis kyi bye ma snyed thams cad kyang zung dang zung du shes par 'dod pa sha stag ste/ sdug bsngal ba dang bde ba dang rtag pa dang mi rtag
4a6 pa dang bdag yod pa dang bdag med pa dang stong pa dang stong pa ma yin pa dang / de kho na dang de kho na ma yin pa dang skyabs dang skyabs ma yin pa dang sems can dang sems can med pa dang brtan pa dang brtan pa ma yin pa dang /
4a7 zhi ba dang zhi ba ma yin pa dang 'dus byas dang 'dus ma byas dang ther zug dang ther zug ma yin pa dang yongs su mya ngan las 'das pa dang yongs su mya ngan las 'das pa ma yin pa la sogs pa'i khyad par dang byung ba/
4a8 du 'phags pa shes par 'dod pa sha stag ste/ 'di lta ste dge bsnyen 'od dri ma med par grags pa'i rgyal po zhes bya ba dang / dge bsnyen rab sbyin la sogs pa dge bsnyen theg pa chen po thos par 'dod la thos nas
iiif viewer powered by OpenSeadragon
Texts on this page
Q788 - 'phags pa yongs su mya ngan las 'das pa chen po theg pa chen po'i mdo