| e-texts navigator |
| བོད་ཡིག |
49b1 'grogs shing rgyu ba de dag slob dpon lags sam/ 'on te slob dpon ma lags/ tshul khrims 'chal ba zhes bgyi 'am/ 'on te mi bgyi lags/ bcom ldan 'das kyis bka' stsal pa/ rigs kyi bu de bzhin gshegs
49b2 pa yongs su mya ngan las 'das pa'i 'og tu nad 'khrug 'byung ba dang yul bcom pa dag 'byung bar 'gyur te/ dus ngan par gyur de'i tshe mu ge'i nyes pas che rab tu 'byung zhing mag reg tu 'gyur te/ de dag gis
49b3 dge slong tshul khrims dang / cho ga dang / yon tan dang / spyod pa phun sum tshogs pa dang ldan pa dag skrod par 'gyur// gsod par 'gyur te/ der dge slong tshul khrims dang ldan pa rnams kyis grong dang / grong khyer dang /
49b4 ri khrod kyi grong dag tu ji ltar rgyu bar bya ste/ de lta bu dag gi dus na dge slong tshul khrims dang ldan pa slob dpon du gyur pa rnams lam du 'gro ba na rang gi srog bsrung ba'i phyir mtshon cha lag na thogs pa dag dang
49b5 'gro bar ngas gnang ngo / / dge bsnyen rnams dang / khyim bdag dang / rgyal po dang / blon po rnams kyis dge slong tshul khrims dang ldan pa bsrung ba'i phyir mtshon cha 'chang ba de yang tshul khrims yin zhes nga zer te/
49b6 'on kyang gsang par ni mi bya'o// dgag pa'i phyir mtshon cha bcang bar bya ste/ de ni mchog tu mkhas pa'i tshul khrims yin no// slob dpon ni theg pa chen po'i gdams ga ston pa dang / yang dag par lta ba dang / rung
49b7 ba ma yin pa'i gdugs dang / 'bru mar gyi snod dang / 'bras bu'i rnam grangs rnams spangs pa dang / rgyal po dang blon po rnams la mi sten pa dang / rnyed pa'i phyir sbyin pa po rnams la dga' ba dang snyan par smra ba
49b8 ma yin pa dang / spyod lam phun sum tshogs pa dang / tshul med pa'i dge sbyong gi dngos po sel ba dang / tshul khrims dang ldan pa dang / dge ba'i chos can dang / rgya mtsho dang 'dra ba'i blo gros 'chang ba dang / byad gzugs
iiif viewer powered by OpenSeadragon
Texts on this page
Q788 - 'phags pa yongs su mya ngan las 'das pa chen po theg pa chen po'i mdo