| e-texts navigator |
| བོད་ཡིག |
49a1 yid rang bar gyur pa rnams dang / g.yul 'gyed pa gang yin pa de dag thams cad kyis kyang byang chub thob par gyur to// de bzhin gshegs pa mi 'khrugs pa'i 'jig rten gyi khams mngon par dga' ba
49a2 zhes bya ba'i 'jig rten gyi khams su de bzhin gshegs pa mi 'khrugs pa'i rnam pa zhes bya ba zhig kyang byung ngo / / dge slong sangs rgyas byin yang rgyal po de shi ba'i rjes la shi nas de bzhin gshegs pa mi 'khrugs
49a3 pa'i bstan pa la nyan thos kyi mchog tu gyur to/ / rgyal po de yang nyan thos gnyis par gyur to// de ltar na dam pa'i chos nub pa'i tshe dam pa'i chos bsrung bar bya'o// de'i tshe rgyal por gyur pa de ni nga yin no// dge slong de ni sangs rgyas
49a4 'od srung yin te de ni yongs su mya ngan las 'das so/ / de ltar na dam pa'i chos srung ba'i 'bras bu ni dpag tu med de/ 'bras bu rnam par dag pa des nang yang rma bya mdongs ri mo can mang pos brgyan pa lta bur
49a5 gyur te/ mi shigs pa'i sku dang chos kyi sku brnyes par gyur to// 'od srung chen po dang rus gcig pas gsol pa/ de bzhin gshegs pa ni rdo la brkos pa'i yi ge bzhin du rtag pa'i sku dang ldan lags so//
49a6 bka' stsal pa/ rigs kyi bu de bas na dam pa'i chos bsrung bar 'dod pas ni dge slong ngam/ dge slong ma 'am/ dge bsnyen nam/ dge bsnyen ma gang na yod pa der bsrung bar bya'o// dge bsnyen dam pa'i chos
49a7 srung ba'i 'bras bu ni rgya che'o/ / rigs kyi bu de bas na dge slong rnams mtshon cha lag na thogs pa'i dge bsnyen dag gis mdun du bdar te rgyu bar bya'o// theg pa chen po 'di la ni dge bsnyen gyis bslab pa'i gzhi lnga
49a8 blang bar mi bya ste/ dam pa'i chos srung ba'i phyir lag na mtshon cha thogs shing dge slong rnams bsrung bar bya'o// gsol pa ci lags dge slong gang dag de lta bu'i dge bsnyen lag na mtshon cha thogs pa dang lhan cig
iiif viewer powered by OpenSeadragon
Texts on this page
Q788 - 'phags pa yongs su mya ngan las 'das pa chen po theg pa chen po'i mdo