rKTs

e-texts navigator

Volume

Page

46a₁ 'da' bar gyur na gzhig tu rung ba'i sku dang / thal ba'i sku dang / sha'i skur blta bar 'tshal lo// bka' stsal pa/ rigs kyi bu mi'i lta bur sob sob po'i lus dang gzhig tu rung ba'i lus shes de skad ma zer
46a₂ zhig/ 'od srung chen po dang rus gcig pa de bzhin gshegs pa ni bskal pa bye ba phrag du ma nas mi shig pa'i sku dang ldan zhing mi'i lus ma yin/ lha'i lus ma yin/ srid pa thams cad kyi lus ma yin/ sha'i lus ma
46a₃ yin te/ de bzhin gshegs pa'i sku ni lus med pa/ ma skyes pa ma 'gags pa/ yod pa ma yin pa/ 'jug pa med pa/ mthar thug pa med pa/ gnas pa med pa/ rnam par shes pa med pa/ kun tu spyod pa med pa/ shin tu
46a₄ dag pa/ ci yang ma yin pa/ zin pa ma yin pa/ rkang pa med pa/ gnas pa med pa/ 'gyur pa med pa/ myong ba med pa/ ma 'dres pa/ mi shes pa/ shes par byar med pa/ rnam par rig tu mi bzod pa/ bsam gyis mi khyab pa//
46a₅ bsam du med pa rnam par shes pa med pa/ sems dang bral ba/ sems mnyam pa nyid/ sems mnyam pa nyid du 'gro ba/ 'bab pa med pa/ 'ong ba dang / 'gro ba yongs su chad pa/ ma bcad pa/ gcad du med pa/ glags
46a₆ med pa/ rdzas ma yin pa/ ma byung ba/ spyod pa med pa/ rtog pa med pa/ ming med pa/ yongs su ma grub pa/ myong ba ma yin pa/ mi mngon pa/ yul med pa/ gzhi med pa/ mun pa med pa/ snang ba med pa/ zhi ba ma yin pa/ rab
46a₇ tu zhi ba ma yin pa/ zhi ba dang bral ba/ dag pa/ rnam par dag pa/ ci yang med pa/ len pa med pa/ chags pa med pa/ nyon mongs pa med pa/ nyon mongs pa dang bral ba/ mi gnas pa'i tshul gyis gnas pa/ gzung du med pa// /
46a₈ 'pho ba med pa/ 'pho bar byar med pa/ chos ma yin pa/ chos ma yin pa med pa/ zhing ma yin pa/ zhing du ma gyur pa ma yin pa/ mi zad pa/ zad par byar med pa/ zad pa dang bral ba/ zad pa med pa/ skad cig pa/ skang

_{iiif viewer powered by OpenSeadragon}

45b - 46b

Texts on this page