| e-texts navigator |
| བོད་ཡིག |
45b1 bzhin gshegs pa yongs su mya ngan las 'da' bar mdzad pas rtag pa dang / brtan pa dang / ther zug pa yin bzhin du mtshan mo mun pa'i nang na shing ljon pa'i grib ma ltar mi snang bas sems can rnams de bzhin gshegs
45b2 pa mi rtag go snyam du yongs su rtog go/ / gal te nga dang chos dang / dge 'dun rtag pa'i 'du shes khyod kyi pha ma la med na gsum la skyabs su 'gro ba ma dag go zhes nga zer ro// pha ma gnyis la gzhi gsum rtag par bstan na ni
45b3 byang chub sems dpa' sems dpa' chen po gsum la skyabs su song ba'i dge bsnyen ces bya ba'i ming khyod kyis thob par 'gyur ro/ / gsol pa/ deng slan chad bdun rgyud kyi rigs tshun chad dang / pha ma gnyis la bcom
45b4 ldan 'das dang / chos dang dge 'dun rtag go zhes bgyi bar 'tshal lo// kye ma sangs rgyas bcom ldan 'das ni bsam gyis mi khyab bo zhes kyang bslab par 'tshal lo// gzhan dag la yang bstan par 'tshal lo// gang dag
45b5 bdag gis bstan pa ltar mi 'dzin cing mi rtag par smra ba'i sems can ngan pa de dag la ni bdag gis ser ba bzhin du bgyi'o/ / bcom ldan 'das kyis bka' stsal pa/ rigs kyi bu legs so legs so// dam pa'i
45b6 chos srung ba'i rigs kyi bus ni de ltar bya dgos te/ rigs kyi du khyod legs so// de ltar na 'tshe ba med pa la zhugs pa yin te/ 'tshe ba med pa'i las kyi 'bras bu chen po des na byang chub sems dpa' sems dpa' chen
45b7 po rnams tshe yang ring bar 'gyur la/ tshe rabs kyang dran par 'gyur ro// 'tsha ba med pa'i phung po ste le'u dang po'o// / rigs kyi bu nga ni de bzhin gshegs pa rtag pa'i sku dang me shigs pa'i sku dang /
45b8 rdo rje'i sku dang / sha'i sku ma yin pa dang / chos kyi skur ltos shig/ gsol pa/ gal te de bzhin gshegs pa yongs su mya ngan las 'da' bar mdzad na ni bdag de ltar mi lta lags so// gal te yongs su mya ngan las
iiif viewer powered by OpenSeadragon
Texts on this page
Q788 - 'phags pa yongs su mya ngan las 'das pa chen po theg pa chen po'i mdo