| e-texts navigator |
| བོད་ཡིག |
45a1 spyod lam dang bde ba rnams ji ltar bstan par bya zhes phyin chad de skad ma 'dri shig/ 'di ni nyan thos dang rang sangs rgyas kyi yul ma yin te/ 'di ni sangs rgyas kyi spyod yul yin no// rigs kyi bu de ltar na
45a2 de bzhin gshegs pa'i sku ni sangs rgyas 'ba' shig gi yul yin gyi/ nyan thos dang rang sangs rgyas kyi yul ma yin no// de bzhin gshegs pa gang na gnas pa dang / gang na snang ba ni khyod kyi yul yang ma yin gyis// sangs rgyas
45a3 bcom ldan 'das ni thabs bsam gyis mi khyab pa'i sku yin no snyam du khyed kyis gnas par gyis shig/ rigs kyi bu chos dang dge slong gi dge 'dun la yang rtag pa'i 'du shes yang dang yang du bsgom par gyis shig/
45a4 gzhi gsum la tha dad par ma byed cig/ mi rtag pa 'am/ mi brtan pa'am/ ther zug pa ma yin pa'am/ zhi ba ma yin pa'am/ thar pa ma yin pa'i rnam par yang ma sgom shig/ rigs kyi bu 'am rigs kyi bu mo gang dag gzhi
45a5 gsum gyi bdag nyid chen po la de ltar mi sgom pa de dag gi skyabs su 'gro ba ni dag pa yin no zhes nga zer ro/ / de ltar na rtag pa bsgom pa ni bsam gyis mi khyab ste/ rigs kyi bu dper na shing yod na grib ma yod kyi shing med
45a6 na grib ma med pa de bzhin du de bzhin gshegs pa rtag pa dang skyabs su 'gyur gyi/ gal te mi rtag na lha dang mi rnams kyi skyabs su 'os pa ma yin no// gsol pa/ bcom ldan 'das ci lags/ mtshan mo mun pa'i
45a7 nangan shing ljon pa'i grib ma snang zhes bgyi 'am mi snang zhes bgyi/ bka' stsal pa/ 'od srung chen po dang rus gcig pa shing ljon pa yod pa'i grib ma ci phyir med ces brjod par bya'o// de lta mod kyi sha'i mig gis ni mi
45a8 mthong ste/ de bzhin du de bzhin gshegs pa yang rtag pa dang / brtan pa dang / ther zug pa yin te/ ther zug pa yin gyis kyang mtshan mo mun pa'i nang na shing ljon pa'i grib ma sha'i mig gis mi mthong ba bzhin du de
iiif viewer powered by OpenSeadragon
Texts on this page
Q788 - 'phags pa yongs su mya ngan las 'das pa chen po theg pa chen po'i mdo