| e-texts navigator |
| བོད་ཡིག |
42a1 gnod pa bgyid pa de bzhin du/ bcom ldan 'das kyis bka' stsal pa/ sems can thams cad la bu gcig pa'i 'du shes bsgoms na byang chub sems dpa' sems dpa' chen po rnams tshe ring ba dang / mchog
42a2 tu tshe ring ba dang / tshe rabs dran pa dang mi 'chi ba dang ther zug pa dang / brtan par 'gyur ro zhes gsungs na ci'i slad du bcom ldan 'das nyid sku tshe thung lags/ ci slu ba mdzad dam/ 'on te bcom ldan 'das nyid kyi sems
42a3 can thams cad la dgra bzhin du gzigs gzigs sam/ kye ma bcom ldan 'das kyis ni dka' ba mdzad mdzad do// mi'i ltar brtsin lo brgya yang mi thub ste/ de bzhin gshegs pa 'di kho na ltar sku tshe thung ba lags na/
42a4 bcom ldan 'das kyis sngon byang chub sems dpa' mdzad pa'i tshe/ de snyed kyi srog gcig bcad lags/ 'di kho na ltar sku tshe thung ba las na de bzhin gshegs pa nyid kyis mchog tu mi bzad pa'i las mdzad lags grang /
42a5 bcom ldan 'das kyis bka' stsal pa/ 'od srung chen po dang rus gcig pa de bzhin gshegs pa dgra bcom pa yang dag par rdzogs pa'i sangs rgyas la 'di kho na ltar ma rgya shig ma rgya shig/ de bzhin gshegs pa dgra
42a6 bcom pa yang dag par rdzogs pa'i sangs rgyas ni mchog tu sku tshe rang ngo / / de bzhin gshegs pa dgra bcom pa yang dag par rdzogs pa'i sangs rgyas ni mchog tu brtan pa'o// mchog tu zhi ba'o// mchog tu ther zug pa'o//
42a7 mchog tu rtag pa'o// 'od srung chen po dang rus gcig pas gsol pa/ bcom ldan 'das ji ltar na de bzhin gshegs pa mchog tu sku tshe rang lags/ bcom ldan 'das kyis bka' stsal pa/ 'od srung chen po dang rus
42a8 gcig pa dper na chu klung gang gA dang / ya mun dang / sar yu dang / hing gul la sogs pa chu klung chen po rnams dang / chu bran gzhan rnams rgya mtsho chen po kho na'i nang du 'bab pa de bzhin du/ 'od srung chen po dang rus
iiif viewer powered by OpenSeadragon
Texts on this page
Q788 - 'phags pa yongs su mya ngan las 'das pa chen po theg pa chen po'i mdo