| e-texts navigator |
| བོད་ཡིག |
41a1 gcod par byed pa de dag ni nga'i slob ma dang / nga'i nyan thos yin no// 'od srung chen po dang rus gcig pas gsol pa/ gal te de bzhin gshegs pa de skad gsung na ni sems can thams cad la sgra gcan zin bzhin du
41a2 gzigs pa'ang ma lags/ ste'u dang tsan dan lta bu zhes bgyi ba'i ming yang rlag par 'gyur na dam pa'i chos sun 'byin pa rnams ji ltar tshar gcad pa'i rigs lags/ de bzhin gshegs pas de ltar bgyid du stsal pa'i
41a3 rigs lags so/ / bcom ldan 'das kyis bka' stsal pa/ 'od srung chen po dang rus gcig pa dper na khyim bdag gam/ tshong dpon nam/ sde dpon nam/ blon po 'am/ rgyal po yang rung ba zhig gis rang gi bu sdug cing pang
41a4 la mchog tu mdzes shing byad gzugs phun sum tshogs pa rnams slob dpon gyi lag du gtad nas slob dpon de la 'di skad ces smras te/ bdag gi bu 'di rnams 'dul ba dang / cho ga dang / spyod yul dang / rig pa rnams
41a5 bslab pa'i phyir khyod la gtad kyis/ 'di rnams khyod kyis 'dul ba dang / cho ga dang / spyod yul dang / rig pa rnams slob shig/ chos shig/ gal te bdag gi bu 'di bzhi las gsum ni bajog pa dang / bsdigs pa dang /
41a6 tshar gcad pa rnams kyis shi bar gyur la/ gcig ni gson por 'dug ste/ gcig lob par gyur na gsum ni shi yang bla ste/ gsum ni shi gcig ni lobs pa de la ci slob dpon gyis ni sdig pa mi dge ba'i las byas
41a7 shes bya 'am/ bcom ldan 'das de ni ma lags te/ de la ni gnyi ga la yang sdig pa'i las su mi 'gyur lags so// de ci'i slad du zhe na/ de la ni kho na gyi bsam pa ma mchis te/ de ltar bgyis na bsod nams mang po
41a8 'phel bar 'gyur lags so/ / bcom ldan 'das kyis bka' stsal pa/ rigs kyi bu de bzhin du de bzhin gshegs pa ni dam pa'i chos sun 'byin pa'i sems can rnams la sgra gcan zin bzhin du gzigs te/ bu rnams
iiif viewer powered by OpenSeadragon
Texts on this page
Q788 - 'phags pa yongs su mya ngan las 'das pa chen po theg pa chen po'i mdo