rKTs

e-texts navigator

Volume

Page

216b₁ ru thos pa'i dpe rgya yangs pa ni dpe rgya mtsho chen po dang mtshungs/ srog stor la thug kyang brdzun tshig mi zer/ 'thab cing rtsod pa la mi sred de rang la yang phan/ gzhan la yang phan/ gtsang gdang ba'i mchog gi gzhung 'ba' shig
216b₂ 'chad cing bshad do/ / mchog de bzhin la de bzhin du spyod pa'o// shA ri'i bu de lta bu'i 'chad pa ni ngas chos 'chad du gnang ngo // yang dag par gshegs pas ce bshad pa chos so cog dang mi 'gal mi log par bya nus pa ste/ de
216b₃ de tshul khrims dang / bsam btan dang // shes rab dang / grol thar dang / shes mthong ba las kyang grol thar to// shA ri'i bu khe tshol ba'i dge slong gi sangs rgyas kyi phyir khyim nas tshul khrims kyi le'u bshig na chos bshad pa ci dgros
216b₄ ci'i phyir zhe na/ shA ri'i bu nga'i chos kyi yi ge'i nang na bshad pa mi la la zhig bdag dge bar ma zhi la bdag gi bag bya mi nus par mi gzhan dge bar zhi ba dang bdag gi bya nus shes na/ bden pa yang med do// dpe ngan mi zhig bdag rang
216b₅ 'dam rdzab du nub la/ mi gzhan dbyung bar bya ba dang mtshungs te/ bden pa yang med do// mi la la zhig bdag gi dag par zhi bar nus shing 'dam rdzab na phyin nus pas mi gzhan dbyung bar bya ba ni bden pa yod do// de lta bas na shA ri'i bu ngas
216b₆ khyod la bye brag byed par bsgo'o/ / yang dag par gshegs pa la 'phya zhing srung na de'i sdig mi yang de// bden par smra ba'i dge slong ni chos 'chang du gnang ba'i rigs so// rtun mi zing ba'i tshul khrims 'dzin pa'i dge slong gis ni chos sbyid ba'i
216b₇ nas so/ / shA ri'i bu khri stan mthon po las chos 'chad cing yang dag pa nges par the tsom gcod pa ni nang gi bla ma'i don yin no// la la zhig tshul 'dzin pa mi gtsang la/ mur 'dug gi gzhung la chags pa ni ngas ma
216b₈ gnang ngo / / brdzun zer ba dang 'jig rten gyi skyid pa rin chen 'dzin pa dang / yon gyi khe tshol ba dang / 'thab rtsod pa la sred pa ni ngas kyang ma gnang ngo // ngas gtsang gdang bar tshul khrims 'dzin pa dang / sems dran dkan pa dang

_{iiif viewer powered by OpenSeadragon}

216a - 217a

Texts on this page