rKTs

e-texts navigator

Volume

Page

192b₁ la la zhig gis 'di lta bu'i shes rab 'byor grub na yon len pa rigs te/ de'i ming sangs rgyas kyi bu'o// de'i ming mi chags pa'i thub par chud pa'o// shA ri'i bu de lta bu'i ming sangs rgyas kyi chos mchog gi gzhung gi
192b₂ sgo mo ste/ dran pa'i 'du shes kyis rnam par brtag pa med de 'di zhes bya ba med/ pha bi zhes bya ba med pa ni gti mug gis phal mang po'i nang du 'dug ste/ yon po mthong ba bshad nas rang gi dran pa'i 'du shes kyi rnam par
192b₃ rtog pa spyad de/ 'di ni sangs rgyas kyi chos yin 'di ni 'phags pa'i lam yin zhes mi la bstan to// de lta bu'i gti mug gis snga ma 'das pa dang / ma 'ongs pa dang / da ltar gyi sangs rgyas rnams la 'phya zhing skur to//
192b₄ de lta bu'i mi gti mug ni ming ngan pa'i bshes gnyen zhes bya'o// shA ri'i bu dgras srog phrogs mod kyi lus gcig tu stor du zad do// de lta bu'i mi gti mug gis chos bshad pa mi gtsang ba ni bskal pa stong khri 'bum gyi
192b₅ bar du sems can rnams kyi rkun po'i mya ngan chen po byas so/ / mi de gti mug gi mun gyis sangs rgyas kyi byang chub bkab pas sems kyi phyi mo 'dod chags pa la slar yang 'dod dngar nas/ gcig gis gcig mthung cing chags
192b₆ te/ 'dod chags spyad pas na lam rgyud lngar song zhing 'ong ste/ ngo tsha ba'i lam med cing skye shi mi chad do// de lta bas na shA ri'i bu chos 'chad pa mi gtsang ba ni sdig shin du mang po thob bo// ngan pa'i bshes gnyen yang byas so// snga ma
192b₇ 'das pa dang / ma 'ongs pa dang / da ltar gyi sangs rgyas la'ang skur to// shA ri'i bu de'i 'dzam bu'i gling gi sems can zhog ste/ mi la la zhig gis stong gsum gyi stong chen po'i 'jig rten gyi khams kyi sems can thams cad kyi srog phrogs
192b₈ pa bas tshes 'chad pa mi gtsang ba'i sdig de mtho'o/ / ci'i phyir zhe na/ mi des sangs rgyas rnams kyi bla na med pa yang dag par rdzogs pa'i byang chub kun bshig ste/ bdud kyi don la bstangs shing sems can tshe rabs brgya stong khri'i bar

_{iiif viewer powered by OpenSeadragon}

192a - 193a

Texts on this page