| e-texts navigator |
| བོད་ཡིག |
150a1 la byin pa 'bras bu chung bar 'gyur ro/ / gang gi tshe mdo sde la skyabs su song ba de'i tshe ni de dag kyang yon gnas su 'gyur ro// gal te mtshams med pa byed byed pa yang 'gyod do// kye ma bdag gis mi rigs pa byas
150a2 kyis bdag gis dam pa'i chos dbyung bar bya'o snyam du sems na/ nga yang mtshams med pa byed byed pa ma yin par rig par bya ste/ de la ni chung ngu zhig byin na yang 'bras bu yod do// mchog tu tshul khrims 'chal ba gcig
150a3 shos de dag la byin pa ni 'bras bu chung zad kyang med do/ / rigs kyi bu gzhan yang pham pa byed byed pas ji ltar bya ba nyon cig/ pham pa byed byed pas ni chos kyi de kho na nyid de bzhin gshegs pa'i snying po khong du chud par byas
150a4 nas dam pa'i chos dbyung bar bya'o snyam du bsams na de la byin pa yang ches khyad par can du 'gyur ro/ / rigs kyi bu dper na bud med sbrum ma zhig yul 'khrugs nas yul gzhan du song ste lha gang zhig gi nang du bu
150a5 khye'u zhig btsas te/ de bde bar gyur nas khye'u de khyer te bdag gi yul zhi bar gyur pa'i 'og tu de logs su chas pa las chu klung chen po zhig dang phrad nas chu de rgal ba na bu dang bcas te chu'i nang du nyan thag par gyur nas/ bdag
150a6 n i shi yang bla'i khye'u 'di thar par bya'o snyam nas de de'i don du 'bad pa las bu dang lhan cig tu shi nas sngon mchog tu 'jigs pa'i las byas su zin kyang bu la byams shing thar par bya'o snyam pa'i 'bras bus mtho ris su skyes
150a7 ba de bzhin du pham pa byed byed pa dang / mtshams med pa byed byed pa las dam pa'i chos 'byin par byed pa de dag ni sngon sdig pa'i las byas su zin kyang dam pa'i chos 'byin pa'i 'bras bus bud med de dang 'dra bar sems can thams
150a8 cad kyi yon gnas su 'gyur te/ dam pa'i chos 'byin pa'i 'bras bu ni de ltar che'o// gsol pa/ bcom ldan 'das 'dod chen par lhung bar gyur pa las slad kyis gzhi gsum la 'chag par bgyid cing bzod pa gsol par bgyid na/
iiif viewer powered by OpenSeadragon
Texts on this page
Q788 - 'phags pa yongs su mya ngan las 'das pa chen po theg pa chen po'i mdo