| e-texts navigator |
| བོད་ཡིག |
147b1 gtan du mya ngan 'da' bas grongs/ gang tshe sdig can 'dod chen pa// byang chub mngon par rdzogs 'tshang rgya// mchog tu bde ba thob nas kyang // nyes pa thams cad rnam spangs pa// de tshe sgra gcan zin bzhin du// de bzhin gshegs pas sems
147b2 can gzigs/ sems can kun gyi mchog gyur pa// gtan du mya ngan 'da' bas grongs// gang tshe sems can thams cad ni// bsam pa 'thun par gnas gyur te// byang chub mchog tu rdzogs sangs rgyas// nyes pa thams cad rnam spangs pa/
147b3 de tshe sgra gcan zin bzhin du// de bzhin gshegs pas sems can gzigs// sems can kun gyi mchog gyur pa// gtan du mya ngan 'da' bas thongs// gang tshe sbrang bu'i gcin tsam gyis// rna mtsho bani yi mthas klas gnags chabar
147b4 rnams bcas pa yi/ / sa gzhi ngoms par gyur pa na// de tshe sgra gcan zin bzhin du// de bzhin gshegs pas sems can gzigs// sems can kun gyi mchog gyur pa// gtan du mya ngan 'da' bas grongs// de bas na chos dang ldan chos
147b5 la gus pa khyed mya ngan ma byed cig/ ma du zhig/ de bzhin gshegs pa ni rang la dbang yod kyis mi rtag pa'i 'du shes ma byed par rtag pa dang / ther zug pa dang / mchog tu brtan pa yin par yang dag par ltos shig/ gzhi gsum rtag
147b6 pa'i gsang sngags kyi sba ba dang / bsrung ba 'dis bsrung bar gyis shig/ gzhi gsum rtag pa'i gsang sngags kyis ni gnam lcags kyis tshig pa'i shing rnams kyang skye bar 'gyur te/ yal gze'u dang / sbal mig bye ba dang sa
147b7 kha 'bus pa dang ldan par 'gyur ro/ / 'khor bzhi po las gzhi gsum rtag par rjes su yi rang ba'i gtam 'di phan tshun thos na byang chub kyi sems bskyed mi dgos par 'dzin kyang gzhi gsum mchog tu rtag pa'i rgyus ni byang chub
147b8 kyi rgyu skye bar 'gyur te/ 'di ni sangs rgyas kyi rjes su yi rang ba zhes bya'o// gzhi gsum rtag pa las byung ba'i rjes su yi rang ba 'di dge slong ngam/ dge slong ma gang dag sems can rnams la ston par byed pa de dag ni yul 'khor gyi bsod
iiif viewer powered by OpenSeadragon
Texts on this page
Q788 - 'phags pa yongs su mya ngan las 'das pa chen po theg pa chen po'i mdo