rKTs

e-texts navigator

Volume

Page

196b₁ 'brel sems/ / ji lta bur na 'jug par 'gyur// de bzhin nyid dang stod nyid mtha'// mya ngan 'das dang chos kyi dbyings// chos rnams skye ba med pa ni// de na dam gyi ni rang bzhin no// rgyu dang rkyen la rtog pa yis// srid pa rku med/
196b₂ ma byung bar// rab tu shes par ma gyur pas// byis pa yod dang med par ldan// snang ba med par sems mngon te// bye brag thog ma med rgyus 'byung // thog ma med nas don med na// bye brag ci yis skye bar 'gyur// gal
196b₃ te med pas rgyas 'gyur na/ / dbul po dag kyang nor ldan 'gyur// don med ji ltar sems skye ba// thub pas bdag la bshad du gsol// 'di dag thams cad rgyu med de// sems kyang med cing spyod yul med// /
196b₄ sems kyang rgyas par mi 'gyur te// srid pa gsupa ni byed spangs pa'o// skye ba rnam par bzlog pa'i phyir// mi skye ba ni rab tu bsgrub// sgyu med smra bar bshad pa ni// byis pa rnams kyis mi rig go/ 'di dag thams
196b₅ cad ma skyes pa/ / dngos po med pa'ang ma yin te// rmi lam sku 'dra dri za'i grong// rgyu med pa yi dngos po yod// ma skyes rang bzhin med pa dang // ci phyir stong pa'ang bdag la gsungs// 'dus pa dag ni ma gtogs par/
196b₆ nam zhig dngos po mi snang ba// de tshe ma skyes stong pa ste// rang bzhin med par ngas bshad do// rmi lam skra shad sgyu ma dang // dri za'i grong khyer smig rgyu rnams// rgyu med par yang snang gyur pa// 'jig rten sna tshogs de
196b₇ bzhin no/ / de bzhin 'dus pa re rer yang // snang ba med pas yod pa min// 'dus pa mu stegs lta ba ltar// 'jig pas rnam par 'gyur ba min// rgyu med smra bas gtsang bya ste// ma skyes pa yang rab tu bsgrub/
196b₈ skye ba med pa rab bsgrubs na// nga yi tshul ni mi 'jig go/ rgyu med smra ba bstan na ni// ji ltar ci las ci dag gis// gang du rgyu med skyer 'gyur zhes// mu stegs can rnams 'jigs pa skye// rgyu las ma yin rgyu med/

_{iiif viewer powered by OpenSeadragon}

196a - 197a

Texts on this page