| e-texts navigator |
| བོད་ཡིག |
194a1 nas yod dang med pa yi/ / phyogs spangs tshul ni rab tu bshad// gang gis ma byung rkyen rnams kyis// 'byung ste 'brel las ma yin no// sngon ma skyes par skyes te// bdag nyid du'ang red pa med// bdag nyid ma red skyes pa
194a2 med/ / rkyen med par yang gang na'ang med// skyes pa'i dngos po de dag kyang // rkyen med par yang gang na'ang med// de lta bu yi mdor mthong na// gang na med min yod min min// dngos po rkyen las skye bar ni// mkhas pa rnams
194a3 kyis mi brtag go/ / mu stegs can rnams byis pa las// gyen gyis gcig dang tha dad gtam// zer yang 'gro ba rmi lam dang // sgyu ma 'dra bar mi shes so// brjod pa'i yul gyi theg pa ni// theg pa chen po bla na med// ngas ni don kyang
194a4 legs par bstan/ / byis pa rnams kyis mi shes so// gang dag 'dzungs pa'i nyan thos dang // mu stegs can gyis byas pa na// gang phyir rtog gis bshad pas na// de dag don la 'khrul pa'o// mtshan nyid dang ni dngos
194a5 dbyibs dang / / ming ni rnam pa bzhi po yang // de dag la ni dmigs byas shing // rnam par rtogs pa rab tu 'jug/ gang rnams gcig dang du ma dang // tshangs pa'i ris la dbang sbyar zhing // nyi ma zla ba'i 'od dag kyang // gang 'jig
194a6 byed pa sras ma yin/ / 'phags pa'i mthong ba phun sum tshogs// yang dag ji bzhin rtogs rig cing // 'du shes zlog la mkhas pa rnams// rnam par rtog pa'i mchog phyin cing // de ni nga yi bstan pa la// sras po grol/
194a7 ba'i phyag rgya ste// dngos dang dngos med rnam grol zhing // 'od dang 'gro ba rnam spangs pa'o// gzugs kyi rnam shes phyir ldog nas// gal te las ni 'jig 'gyur ni// rtag dang mi rtag tshe 'gyur// 'khor ba dag kyang med 'gyur ro// ldog pa
194a8 chen zhig gyur pa/ / gzugs kyi yul las phyir ldog ste// yod med nyes dang bral ba'i las// kun gzhi la ni rab tu gnas// srid pa'i gnas su rnam shes dang // gzugs lhun rab tu 'jig pa ste// gzugs dang rnam shes 'brel ba yi
iiif viewer powered by OpenSeadragon
Texts on this page
Q775 - 'phags pa lang kar gshegs pa'i theg pa chen po'i mdo