| e-texts navigator |
| བོད་ཡིག |
302a1 'dra ste/ snang yang de dag de bzhin min// khye'us gsol pa/ ma nor de bzhin gang lags pa// chos gnas nyid de chos nyid do// mnor de bzhin nyid chos la// nor bu'i de bzhin nyid mi dmigs// bcom ldan 'das
302a2 kyis bka' stsal pa/ byis pa 'du shes ldan rnams kyi// log par rnam par gang brtags pa/ blo de rtogs par bya ba'i phyir/ de bzhin gshegs rnams 'byung ba yin// khye'us gsol pa/ skye ma mchis pas rab bye ba/
302a3 rdzogs pa'i sangs rgyas gang zhig byung // skye ba ma mchis chos rnams la// sangs rgyas 'byung ba 'thad ma lags// bcom ldan 'das kyis bka' stsal pa/ skye ba'i med par skye ba ni// sangs rgyas 'byung ba rab tu bstan//
302a4 kun rdzob tha snyed btags pa ste// dam pa'i don du yod ma yin// khye'us gsol pa/ da dur khyod la don dam dang // kun rdzob 'du shes gnyis mda' ste// theg pa gcig lam 'gal 'gyur ba// gau ta ma khyod kyis bka' stsal to//
302a5 bcom ldan 'das kyis bka' stsal pa/ de ni lam dang 'gal mi byed// 'gal ba med par de gnas te// mi 'thun sems can sdums kyang byed// khye'u khyod de ltar shes par gyis// khye'us gsol pa/ sems can
302a6 de ni mi dmigs na/ / gau ta ma khyod kyi ci sdums mdzad// chos rnams sngon gyi mtha' la gzigs// gang gi kun nas nyon mongs te/ bcom ldan 'das kyis bka' stsal pa/ sngon gyi mtha' dang phyi mtha' dang / de bzhin da ltar
302a7 byung ba dang / byang chub dam pa rtogs gyur nas// srog chags rnams la chos ston to// khye'us gsol pa/ rdzogs sangs rgyas shes sgrogs mdzad cing // nyid kyis mkhyen pa sgrogs mdzad de/ 'di ltar bdag tu sgro 'dogs
302a8 pas/ / khyod ni lhag pa'i nga rgyal che// bcom ldan 'das kyis bka' stsal pa/ de ni bdag la mi stod de// de bzhin gshegs la brnyas mi byed// de bzhin nyid ni rab tu ston// des na de bzhin gshegs shes bya// khye'us
iiif viewer powered by OpenSeadragon
Texts on this page
Q771 - 'phags pa khye'u snang ba bsam gyis mi khyab pas bstan pa zhes bya ba'i chos kyi rnam grangs