rKTs

e-texts navigator

Volume

Page

246a₁ mang du 'chad par yang ni spro ma lags// mang sde de ni 'dzin par spro ma lags// de ni de dag zhum par 'gyur ba lags// dge slong mchog tu bka' blo mi bde 'gyur// tshe der ni lha tshogs 'dra bar 'gyur//
246a₂ bcom ldan 'das kyis 'od srungs bka' stsal pa// chos kyi tshul ni 'dzin par mi nus par// 'od srung de ni nga yis snganas shes// mdo sde 'dra de na gang 'dzin pa// nga yi nyan thos gang yang 'drin med// gang dag mdo
246a₃ de 'dra de 'dzin pa/ / nga yis gang dag byin rlabs der ma gtogs// gang dag phyi nas the tshom med 'gyur ba// de dag the tshom de ni nga yis gcad// gzhan dag las ni mthu che gang yin pa// mdo sde de la ci phyir sngon ma spyad//
246a₄ de dag 'dzin pa'i dge slong gsar bu gzhon// mdo sde de dag rgyas pa chen po yin// gang dag chos de 'dra ba de mi 'dzin// 'di la ji ltar pha rol phyin par 'gyur// brtan pa'i blo gros nga yis bstan pa na// gang dag gis ni/
246a₅ de ringang mthong 'gyur// de dag phyi dus 'jig pa chen po'i tshe// chos de thos nas dga' ba thob par 'gyur// nga ni dmigs pa 'ba' zhig 'chad pa yin// 'jigs med nga yi tshig der dang par byos// gang gi 'di na bston
246a₆ pa mthong thur pa/ / de dag chos de 'dzin par spro bar 'gyur// ye shes de 'dra de ni tshol byed cing // de tshe 'dren pa rnams la mchod par byed// ring bsrel mchod dang de bzhin mchod rten mchod// 'jigs med de dag
246a₇ der ni byed par 'gyur/ / yongs su gtang ba phan yon gyi le'u ste bcwa lnga pa'o// // de nas tshe dang ldan pa kun dga' bo stan las langs nas// bla gos phrag pa gcig tu gzar te// pus mo g.yas pa'i
246a₈ lha nga sa la btsugs nas/ / bcom ldan 'das la 'di skad ces gsol to// bcom ldan 'das chos kyi rnam grangs 'di'i ming ci lags// de ji ltar gzung bar bgyi// de skad ces gsol pa dang /

_{iiif viewer powered by OpenSeadragon}

245b - 246b

Texts on this page