| e-texts navigator |
| བོད་ཡིག |
331a1 mkhyen pa nyid kyi sems dang ldan pas rnam par glan pa la rab med pa dang / khyim bdag gzhan yang byang chub sems dpa' khyam pa khyam na gnas pa tshang bar spyod cing gtsang ma yin /
331a2 yid kyi dgra la yang 'dod pa ma spyod na/ mtshan gnyis spyod pa'am/ yan lag ma yin par 'jug pa lta ci smos pa dang / khyim bdag gzhan yang byang chub sems dpa' khyim pa khyim na gnas pa yang
331a3 dag pa skyon med pa la mi reg cing khyim stong par zhugs nas/ thabs kyis mngon par bsgrubs pa/ bsam gtan bzhi po dag la snyoms par 'jug pa dang / khyim bdag gzhan yang byang chub sems dpa
331a4 khyim pa khyim na gnas pa sems can thams cad bde bar byed pa la brtson pa/ shes rab kyi pha rol tu phyin pas nges par 'byung bar brtson 'grus rtsom pa dang / khyim bdag gzhan yang byang chub sems dpa'
331a5 khyim pa khyim na gnas pa dag kyang dam pa'i chos yongs su 'dzin cing gzhan yang dam pa'i chos la sbyor bar byed pa ste/ khyim bdag byang chub sems dpa' khyim pa khyim na gnas pa chos lnga po de dag
331a6 dang ldan na rab du byung ba'i bslab pa la slob pa yin no/ / de nas bcom ldan 'das la khyim bdag drag shul can gyis 'di skad ces gsol to// bcom ldan 'das bdag de bzhin gshegs pa rnams
331a7 kyi bka' bzhin du bgyi bar 'tshal lo/ / rab du byung ba'i bslab pa la slob po// chos mnyam pa nyid 'di lta bu yang 'jug par bgyi'o// de nas de'i tshe bcom ldan 'das 'dzum pa mdzad do//
331a8 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe bcom ldan 'das kyi zhal gyi sgo nas 'od 'phro ba kha dog du ma kha dog sna tshogs byung ba 'di lta ste/ sngon po
iiif viewer powered by OpenSeadragon
Texts on this page
Q760,19 - 'phags pa khyim bdag drag shul can gyis zhus pa zhes bya ba theg pa chen po'i mdo