| e-texts navigator |
| བོད་ཡིག |
96a1 shing sems zhum par 'gyur te/ de la glags rnyed par ma nus nas/ de 'di snyam du bdag gi kyang de la glags rnyed par ma nus na bdag gis 'khor gyis ltan smos te/ gang gzhan dag gis byin gyis
96a2 brlabs par lta ga la 'gyur snyam du sems so/ / de'i phyir bdud sdig can de dag 'jigs shing spro ba yongs su nyams nas sdug bsngal dang / yid mi bde ba skyes te/ rang gi gnas su dong nas sems khong du chud cing
96a3 'khod de/ shes rab kyi pha rol tu phyin pa la spyod pa'i byang chub sems dpa' la se gol gtogs pa tsam gyi srid du yang sems rmongs par byed mi nus na gzhan bar chad bya bar lta ci smos/ rab kyi rtsal gyis rnam par gnon
96a4 pa 'di ni byang chub sems dpa' shes rab kyi pha rol tu phyin pa la spyod pas de lta bu'i shes rab kyi stobs skyed par 'gyur ro/ / shes rab kyi stobs bskyed pa de lta bu dang ldan pas/ gal te stong sum gyi stong chen po'i 'jig
96a5 rten gyi khams kyi sems can de dag thams cad bdud du gyur la/ de dag thams cad kyang 'khor bdud mang po dang lhan cig tu shes rab kyi pha rol tu phyin pa la spyod pa'i byang chub sems dpa' la 'thob tsam pa'i bsam
96a6 pas dong yang / rab kyi rtsal gyis rnam par gnon pa bdud sdig can de dag thams cad kyi bar chad bya bar mi nus so// de ci'i phyir zhe na/ de'i tshe byang chub sems dpa' de lta bu'i shes rab kyi stobs skyed pa dang / shes rab
96a7 kyi ral gri dang / shes rab kyi mtshon cha dang ldan par 'gyur ba'i phyir ro// rab kyi rtsal gyis rnam par gnon pa de'i tshe byang chub sems dpa' shes rab bsam gyis mi khyab pa dang / dpag tu med pa dang / mi mnyam pa dang /
96a8 mnyam pa dang ldan par 'gyur ro// de'i phyir de la bdud sdig can gyis zil gyis gnon mi nus so// rab kyi rtsal gyis rnam par gnon pa 'di lta ste/ shes rab kyi pha rol tu phyin pa'i mtshon cha de ni mtshon cha chen po'o//
iiif viewer powered by OpenSeadragon
Texts on this page
Q736 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa