| e-texts navigator |
| བོད་ཡིག |
75a1 la spyod do// rab kyi rtsal gyis rnam par gnon pa dbus la ni spyod pa bstan pa 'am/ nges par bstan pa gang yang med do// rab kyi rtsal gyis rnam par gnon pa dbus shes bya ba de ni 'phags pa'i lam
75a2 yan lag brgyad pa'i tshig bla dgas so/ / rab kyi rtsal gyis rnam par gnon pa 'phags pa'i lam yan lag brgyad pa ni tshas gang dmigs pa dang / chos gang mthong ba'i phyir nye bar gnas pa ma yin no// rab kyi rtsal gyis rnam par
75a3 gnon pa na ma chos gang la yang bsgom par yang mi byed/ mi sgom par yang mi byed pa de'i tshe/ lam gyi rgyun gcod ces bya'o// de chos thams cad la bsgom par yang mi byed/ mi sgom par yang mi byed pas sgom pa las
75a4 yang dag par 'das nas chos snyam pa nyid rnyed de/ chos mnyam pa nyid des lam gyi 'du shes kyang mi 'byung na/ lam mthong bar lta ga la 'gyur/ rab kyi rtsal gyis rnam par gnon pa lam gyi rgyun gcad ces bya ba de ni dge slong
75a5 zag pa zad pa/ dgra bcom pa'i tshig bla dgas so// de ci'i phyir zhe na/ des sgoms pa yang med cing sgoms pa med pa yang ma yin par lam sgoms pa med pas de'i phyir bsgoms pa med ces bya'o// bsgom pa med pa yang de
75a6 la med pas de'i phyir sgom pa myed ces bya'o/ / de sgom pa dang bral bas de'i phyir bsgom pa med ces bya'o// rab kyi rtsal gyis rnam par gnon pa gal te sgom pa'am/ sgom par byed pa zhig yod na ni de dmigs par 'gyur te/ de sgom
75a7 pa med par mi 'gyur ro/ / rab kyi rtsal gyis rnam par gnon pa bsgom pa med pa zhes bya ba ni de bsgom dang bral bas bsgom pa med pa ste/ 'di dngos po dang bral bas de'i phyir sgom pa med pa zhes bya ste/ ji skad du rjod pa bzhin du ni ma
75a8 yin no/ / de ci'i phyir zhe na/ sgom pa med pa ni brjod du med pa'o// bsgom pa med pa 'di ni bral ba'o// bral ba gang zhe na/ gang phyi ci log kun nas mi ldang ba dang / gang yang dag pa ma yin pa kun nas mi ldang ba'o// rab kyi rtsal
iiif viewer powered by OpenSeadragon
Texts on this page
Q736 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa