| e-texts navigator |
| བོད་ཡིག |
40b1 stsal pa/ shA ra dwa ti'i bu de de bzhin te/ 'khor 'di ni yon tan mtha' yas pa dang ldan pa ste/ 'khor 'di'i yon tan gyi mtha' yang dag par rdzogs pa'i sangs rgyas rnams kyis kyang rtogs par mi nus na
40b2 sems can gzhan thams cad kyis lta ci smos/ shA ra dwa ti'i bu 'khor 'di ni de bzhin gshegs pas bsdus pa ma yin zhing 'di la de bzhin gshegs pa rtsol ba ci yang mi mdzad de/ rang gi dge pa'
40b3 bas nga'i ming thos nas 'khor 'di 'dus te/ de bzhin gshegs pas 'khor 'di gang la yang ma glengs ma sgo bar de dag rang gi dge ba'i rtsa bas bskul nas 'khor 'di lpags so/ 'di lta bu'i chos
40b4 bstan pa la 'di lta bu'i sems can chen po 'dra bar 'gyur ba ni de'i chos nyid do/ / shA ra dwa ti'i bu gang sangs rgyas bcom ldan 'das gzhan dag byang chub sems dpa'i sde snod the tshom thams cad gcod
40b5 pa 'di yang dag par ston pa de dag gi 'khor kyang 'di lta bu 'du bar 'gyur te/ 'di lta bu 'di 'dra ba'i 'khor gyi dkyil 'khor gdon mi za bar 'byung ba ni chos bstan pa 'di'i chos nyid do// /
40b6 kun dga' bo'i le'u zhes bya ste gnyis pa'o// de nas bcom ldan 'das kyis byang chub sems dpa' sems dpa' chen po rab kyi rtsal gyis rnam par gnon pa la bka' stsal pa// rab kyi rtsal gyis
40b7 rnam par gnon pa shes rab kyi pha rol tu phyin pa/ / shes rab kyi pha rol tu phyin pa zhes bya ba la/ byang chub sems dpa'i shes rab kyi pha rol du phyin pa gang zhe na/ gang chos thams cad kyi tshu rol rtogs pa ste/
40b8 de ni bstan par mi nus mod kyi// ji ltar khyed shes par 'gyur pa dang / ji ltar shes rab kyi pha rol tu phyin pa tha snyad kyi tshig tu 'gyur ba de ltar rab tu bshad par bya'o// gzugs shes rab kyi pha rol
iiif viewer powered by OpenSeadragon
Texts on this page
Q736 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa