| e-texts navigator |
| བོད་ཡིག |
38b1 na 'dod pa'i yon tan lnga dang 'byor cing ldan par gyur te/ rtse zhing char pa chen po 'bebs so// kun dga' bo de bzhin du de bzhin gshegs pa dgra bcom pa yang dag par rdzogs pa'i sangs rgyas kyang
38b2 chos kyi char chen po 'bebs so/ / gang 'di sras thu bo byang chub sems dpa' sems dpa' chen po de dag kyang 'jig rten gyi khams 'di nas rang rang gi sangs rgyas kyi zhing du song ste/ chos kun 'byung
38b3 pa 'di la brtsams nas/ de bzhin gshegs pa de dag gi spyan sngar chos kyi char chen po gtong zhing chos kyi char chen po rab tu 'bebs so// kun dga' bo 'di lta ste/ dper na klu'i rgyal po rgya mtsho ni gang gi
38b4 tshe rab tu dga' bar gyur pa de'i tshe rang gi gnas nas char gyi rgyan chen po 'bebs so/ / gang dag gnas de na gnas par gyur pa'i klu de dag gis kyang char gyi rgyun de mnos nas dga' bar 'gyur te/ char gyi rgyun
38b5 des bde bar shes so/ / gang dag de'i bur gyur pa de dag kyang char gyi rgyun de bzod cing / char gyi rgyun des mchog tu dga' ba 'thob po// de ci'i phyir zhe na/ kun dga' bo klu gzhan dag gis ni char gyi rgyun
38b6 dmi bzod la/ / klugazhan dag ni char gyi rgyun des bde bar mi shes shing char gyi rgyun de dag gis dga' bar mi 'gyur ba'i phyir ro// kun dga' bo de bzhin du gang dag de bzhin gshegs pa'i chos dkon mchog
38b7 la lhag par chags pa dang / gang dag de bzhin gshegs pa'i sras kyi thu bo byang chub sems dpa' sems dpa' chen po dge ba'i rtsa ba byas pa/ bsam pa rgya che ba/ chos zab mo'i tshul las nges par skyes pa de
38b8 dag ni de bzhin gshegs pa'i chos kyi tshul gyi char chen po 'di bzod do/ / thos nas rab tu dga' zhing mgu ste bde bar shes so// kun dga' bo de bzhin gshegs pas don gyi dbang 'di la brten te/ bsam pa
iiif viewer powered by OpenSeadragon
Texts on this page
Q736 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa