| e-texts navigator |
| བོད་ཡིག |
33a1 byang chub ces bya ste/ ji skad du brjod pa bzhin du ni ma yin no// rab kyi rtsal gyis rnam par gnon pa de ni chos thams cad rjes su rtogs pas/ byang chub sems dpa' zhes bya'o// rab kyi rtsal gyi
33a2 rnam par gnon pa gang la la zhig chos 'di rab tu mi shes khong du ma chud par bdag byang chub sems dpa' zhes khas 'chen/ de ni byang chub sems dpa'i sa las ring ngo // de ni byang chub sems dpa'i chos rnams las
33a3 ring ngo / / de ni byang chub sems dpa'i ming gis lha dang / mi dang lha ma yin du bcas pa'i 'jig rten la slu ba'o// rab kyi rtsal gyis rnam par gnon pa gal te tshig tsam gyis byang chub sems dpar gyur na ni de'i phyir
33a4 sems can thams cad kyang byang chub sems dpar 'gyur ro/ / rab kyi rtsal gyis rnam par gnon pa 'di lta ste/ byang chub sems dpa'i sa zhes bya ba de ni tshig gi las tsam ma yin no// tshig gis bla na med pa
33a5 yang dag par rdzogs pa'i byang chub mngon par rdzogs par 'tshang rgya bar mi nus so/ / tshig gi las kyis byang chub dang / byang chub sems dpa'i chos rnams thob par mi 'gyur ro// rab kyi rtsal gyis rnam par
33a6 gnon pa sems can thams cad ni byang chub la spyod mod kyi mi shes shing khong du ma chud de/ de'i phyir de dag byang chub sems dpa' zhes myi bya'o// de ci'i phyir zhe na/ sems can rnams sems can med
33a7 par mi shes pa'i phyir ro/ / gal te de ltar shes na bdag gis spyod pa dag gis// byang chub sems dpa' dag tu 'gyur ba'i rigs so// sems can thams cad ni phyin ci log pas rang gi spyod pa dang / 8
33a8 gi yul dang / rang gi spyod yul rab tu mi shes so// gal te rang gi spyod pa rab tu shes na ni de dag slar gang la yang rnam par rtog cing spyod par mi 'gyur ro// rnam par rtog pa dang / spyod pa de dag gis byis
iiif viewer powered by OpenSeadragon
Texts on this page
Q736 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa