e-texts navigator
Collection
Volume
Page
བོད་ཡིག

30b1 bya ba ma yin pa ste/ rab kyi rgyal gyis rnam par gnon pa mya ngan las 'das pa'i dbyed bstan pa 'di yang ji skad snyan pa bzhin du ni ma yin no// bstan pa thams cad las yang dag par 'das pas mya ngan las
30b2 'das pa'i dbyings ni stan du med de/ bstan pa thams cad rab tu chad pa de ni mya ngan las 'das pa'i dbyings shes bya'o// mya ngan las 'das pa'i dbyings shes bya ba gang yin pa de ni 'jig rten las 'das pa'i shes
30b3 rab nges par rtogs pa bstan pa la bya'o/ / rab kyi rtsal gyis rnam par gnon pa mya ngan las 'das pa'i dbyings de ni yul na mi gnas/ phyogs na mi gnas pa zhes bstan to// rab kyi rtsal gyis rnam par gnon pa de la
30b4 shes rab kyi pha rol tu phyin pa gang zhe na/ rab kyi rtsal gyis rnam par gnon pa shes rab kyi pha rol tu phyin pa la tshu rol 'am pha rol gang yang med do// rab kyi rtsal gyis rnam par gnon pa gal te shes rab kyi pha rol tu
30b5 phyin pa la tshu rol 'am/ pha rol dmigs na ni de bzhin gshegs pas shes rab kyi pha rol tu phyin pa tshu rol 'am pha rol bshad pa zhig na/ rab kyi rtsal gyis rnam par gnon pa shes rab kyi pha rol tu phyin pa tshu rol
30b6 mi dmyigs pas de'i phyir de'i pha rol kyang med mod kyi 'on kyang rab kyi rtsal gyis rnam par gnon pa shes rab kyi pha rol tu phyin pa zhes bya ba de ni chos thams cad kyi pha rol lo/ / de'i phyir shes rab kyi pha rol tu phyin
30b7 pa zhes bya ste/ ji skad du brjod pa bzhin du ni ma yin no// rab kyi rtsal gyis rnam par gnon pa shes rab kyi pha rol tu phyin pa ni tshig dang las kyis nye bar gnas pa ma yin te/ shes rab kyi pha rol tu phyin pa ni bstan du/
30b8 med pa'o// chos thams cad de ltar khong du chud na de ni ji lta ba bzhin du rab tu chud de mi 'gal lo// de ci'i phyir zhe na/ de la khong du chud pa ci yang med cing rab tu rtogs pa yang med pa'i phyir ro// khong du chud pa dang rab



iiif viewer powered by OpenSeadragon

30a - 31a

Texts on this page

Q736 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa