| e-texts navigator |
| བོད་ཡིག |
23a1 de bzhin gshegs pa dgra bcom pa yang dag par rdzogs pa'i sangs rgyas la khyod ci dang ci 'dod pa dris shig dang / dris pade dang de'i lung bstan pas khyod kyi sems rangs par bya'o// de skad ces
23a2 bka' stsal pa dang / bcom ldan 'das la byang chub sems dpa' sems dpa' chen po rab kyi brtsal gyis rnam par gnon pas 'di skad ces gsol to// bcom ldan 'das shes rab kyi pha rol tu phyin pa shes rab
23a3 kyi pha rol tu phyin pa zhes bgyi ba/ bcom ldan 'das ji tsam gyis na byang chub sems dpa' sems dpa' chen po rnams kyis shes rab kyi pha rol tu phyin pa zhes bgyi/ bcom ldan 'das ji ltar na byang chub sems
23a4 dpa' sems dpa' chen po shes rab kyi pha rol tu phyin pa la spyod pa lags/ bcom ldan 'das ji ltar na shes rab kyi pha rol tu phyin pa la spyod pa'i byang chub sems dpa' sems dpa' chen po shes rab kyi pha rol tu
23a5 byin pa bsgom pa yongs su rdzogs par 'gyur lags/ bcom ldan 'das ji ltar na byang chub sems dpa' sems dpa' chen po shes rab kyi pha rol tu phyin pa bsgom pan bdud sdig can gyis glags mi rnyed
23a6 cing bdud kyi las thams cad kyang rtogs par 'gyur lags/ / bcom ldan 'das byang chub sems dpa' sems dpa' chen po shes rab kyi pha rol tu phyin pa la gnas pa ji lta bus gnas na myur du thams cad mkhyen
23a7 panyid kyi chos rnams yongs su rdzogs par 'gyur lags/ / de skad ces gsol pa dang / bcom ldan 'das kyis byang chub sems dpa' sems dpa' chen po rab kyi brtsal gyis rnam par gnon pa la 'di
23a8 skad ces bka' stsal to/ / rab kyi rtsal gyis rnam par gnon pa khyod byang chub sems dpa' sems dpa' chen po rnams kyi don dang / ci nas khyod skye bo mang po la phan pa dang / skye bo mang po la bde ba dang / 'jig rten
iiif viewer powered by OpenSeadragon
Texts on this page
Q736 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa