| e-texts navigator |
| བོད་ཡིག |
22b1 rgya gar skad du/ Ar+ya su pri kran ta bi kra mi pa ri pri tsa pra dz+nyA bA ra mi ta nir de sha/ bod skad du/ 'phags pa rab kyi rtsal gyis rnam par gnon pas zhus pa shes rab kyi pha rol du phyin pa bstan pa/
22b2 bam po dang po/ sangs rgyas dang / byang chub sems dpa' dang / 'phags pa nyan thos thams cad la phyag 'tshal lo// 'di skad bdag gis thos pa dus gcig na// bcom ldan 'das rgyal po'i khab na 'od ma'i
22b3 tshal bya ka lan d+ha ka gnas pa na/ / dge slong stong nyis brgya lnga bcu'i dge slong gi dge 'dun chen po dang / byang chub sems dpa' sems dpa' chen po sangs rgyas kyi zhing tha dad pa nas 'dus pa skye ba gcig gis thogs
22b4 pa tshad med grangs med pa dang thabs gcig tu bzhugs te/ / de'i tshe bcom ldan 'das 'khor brgya stong du mas yongs su bskor cing mdun gyis ltas te chos ston to// de nas byang chub sems dpa'
22b5 sems dpa' chen po rab kyi brtsal gyis rnam par gnon pa zhes bya ba 'khor de nyid du 'dus par gyur nas 'dug pa de bstan las langs te/ / bla gos phrag pa gcig tu gzar nas pus mo g.yas
22b6 pa'i lha nga sa la btsugs te/ / bcom ldan 'das ga la ba de logs su thal mo sbyar ba btud nas// bcom ldan 'das la 'di skad ces gsol to// gal te zhus nas zhu ba lung bstan pa'i
22b7 slad du bcom ldan 'das kyis bdag la skabs bye na/ / de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu lags so// de skad ces gsol
22b8 pa dang / / bcom ldan 'das kyis byang chub sems dpa' sems dpa' chen po rab kyi rtsal gyis rnam par gnon pa la 'di skad ces bka' bstsal to// rab kyi brtsal gyis rnam par gnon//
iiif viewer powered by OpenSeadragon
Texts on this page
Q736 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa