| e-texts navigator |
| བོད་ཡིག |
112b1 'dis bdud kyi zhags pa thams cad bkum mo/ / rigs kyi bu'am/ rigs kyi bu mo de dag bdud sdig can gyis 'jigs so snyam du dogs par mi bgyi'o// gang chos kyi rnam grangs 'di 'dzin pa dang / klog pa dang /
112b2 gzhan dag la yang rgya cher yang dag par rab tu ston pa'i byang chub sems dpa' de dag ni bdud sde dang bcas pa las rgal bar 'gyur lags so// gang chos kyi rnam grangs 'di 'dzin pa dang / klog pa dang / gzhan
112b3 la yang rgya cher yang dag par ston pa de dag ni/ bdud sdigacan sde dang bcas pa las rgyal bar 'gyur ro// de nas bcom ldan 'das kyis byang chub sems dpa' rab kyi rtsal gyis rnam par gnon pa la 'di skad
112b4 ces bka' stsal to/ / de de bzhin no// rab kyi rtsal gyis rnam par gnon pa de de bzhin te/ lha'i bu de dag gis tshig ji skad smras pa de bzhin te/ rab kyi rtsal gyis rnam par gnon pa de bzhin gshegs pas
112b5 chos kyi rnam grangs 'di la bdud sdig can rnams kyi mtshams gcad do/ / rab kyi rtsal gyis rnam par gnon pa rigs kyi bu'am rigs kyi bu mo gang chos kyi rnam grangs 'di 'dzin pa dang / 'chang ba dang / klog pa dang /
112b6 gzhan la yang rgya cher yang dag par rab tu ston pa de dag ni bdud sdig can rnams kyi spyod yul du mi 'gyur te/ rigs kyi bu dang / rigs kyi bu mo de dag ni bdud sdig can rnams kyis mi tshugs par 'gyur ro//
112b7 gang dag chos kyi rnam grangs 'di 'dzin pa dang / 'chang ba dang / klog pa dang / gzhan dag la yang rgya cher yang dag par rab tu ston pa de dag ni bdud dang phyir rgol ba choms par 'gyur/ g.yul las rgal bar 'azur
112b8 ro/ / rab kyi rtsal gyis rnam par gnon pa chos kyi rnam grangs 'di ni kun nas nyon mongs pa can dang / bdud kyi zhags pas bcings pa'i sems can rnams kyi lag tu 'gro bar mi 'gyur te/ rab kyi rtsal gyis rnam par
iiif viewer powered by OpenSeadragon
Texts on this page
Q736 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa