rKTs

e-texts navigator

Volume

Page

246b₁ de dag zos pa tsam gyis yi dgas kyi 'jig rten nas shi 'phos nas lha rnams kyi nang du skye bar 'gyur ro// kun dga' bo khyod kyis dge slong dang / dge slong ma dang / dge bsnyen dang / dge bsnyen ma rnams la rtag tu rgyun/
246b₂ mi 'chad par khor zug tu bsnyed par bya'o// de ltar byas na bsod nams kyi phung po dang ldan par 'gyur te/ tshe yang ring bar 'gyur ro// de bzhin gshegs pa bye ba phrag 'bum gyi bsod nams kyi phung po dang ldan par
246b₃ 'gyur ro/ / rtag tu mi ma yin pa chub 'byung po dang / sha za la sogs pa dang / gnod sbyin dang / srin po dang / gdon dang yi dgas pa/ rnams kyis mi mthong bar 'gyur ro// stobs dang / brtson 'grus dang yang ldan par
246b₄ 'gyur ro/ / gzugs dang ldan pa dang / gzi brjid dang ldan pa dang / dran pa dang ldan par yang 'gyur ro// bram ze'i drang srong tshim par byed 'dod pa des ni mched yon dang / dbul bar bya ba snod bkang ba la lan bdun
246b₅ bzlas brjod byas la 'bab chug la yod pa'i gnas der sbyin par bya'o/ / de ltar bas na bram ze'i drang srong gang gA'i klung bye ba khrag khrig 'bum phrag du ma'i bye ma snyed dag lha'i bza' ba dang btud pa rnams kyis
246b₆ tshim par byas par 'gyur ro/ / bram ze'i drang srong de dag kyang dbang po tshim par 'gyur te/ de dag thams cad kyis oM bde legs su gyur cig ces bya ba'i sgra 'byin par byed la/ sems can de dag kyang bsam pa yongs su
246b₇ dag par 'gyur te/ bram ze'i gzi brjid dang ldan par 'gyur ro// rtag tu tshangs par spyod par yang 'gyur ro// de bzhin gshegs pa gang gA'i klung bye ba khrag khrig phrag 'bum gyi bye ma snyed dag gi dge ba'i rtsa ba dang
246b₈ ldan par yang 'gyur ro/ / rtag tu dgra thams cad shigs par 'gyur ro// me tog gam/ bdug pa 'am/ spos sam/ zas dang skom gyi yo byad la lan nyi shu rtsa gcig bzlas brjod byas la sangs rgyas dang / chos dang /

_{iiif viewer powered by OpenSeadragon}

246a - 247a

Texts on this page