rKTs

e-texts navigator

Volume

Page

9a₁ la la sbyor ba mtha' yas pa zhes bya ba de la snyoms par zhugs so/ / byang chub sems dpa' chos kyi blo gros snyoms par zhugs ma thag tu phyogs bcu'i phyogs re re'i 'jig rten gyi khams sangs rgyas kyi zhing stong
9a₂ phrag bcu'i rdul phra rab kyi rdul snyed kyi pha rol nas sangs rgyas bcom ldan 'das sangs rgyas kyi zhing stong phrag bcu'i rdul phra rab kyi rdul snyed kyis/ zhal mngon par bstan te/ sangs rgyas bcom ldan 'das de dag thams cad kyang
9a₃ mtshan rdo rje'i snying po zhes bya bar 'thun pa sha stag go/ phyogs gcig ji lta bar phyogs bcu rnams nas kyang de bzhin te/ sangs rgyas bcom ldan 'das de dag gis de la 'di skad ces bka' stsal to// chos kyi blo gros khyod
9a₄ ltar byang chub sems dpa'i ting nge 'dzin sbyor ba mtha' yas pa la snyoms par zhugs pa legs so legs so/ / rigs kyi bu 'di lta ste/ bcom ldan 'das de bzhin gshegs pa rnam par snang mdzad 'di nyid kyi sngon gyi smon lam dang /
9a₅ sngon gyi byin gyi rlabs dang / khyod nyid kyi dge ba'i rtsa ba nye bar bstan pas 'di lta ste chos thams cad bstan par bya ba dang / sangs rgyas kyi ye shes rnam par sbyang ba dang / sangs rgyas kyi ye shes rnam par 'phel bar bya ba dang / chos kyi
9a₆ dbyings su 'jug par bya ba dang / sems can gyi khams rnam par dgrol ba dang / chags pa med pa'i ye shes la 'jug cing chud par bya ba dang / kun du sbyor bar bya ba dang / skad thams cad brjod par bya ba dang / thams cad mkhyen
9a₇ pa'i ye shes la 'jug par bya ba dang / chos thams cad la sgrib pa med par bya ba dang / dus gsum thams cad yongs su shes pa'i chos bstan pa la 'jug par bya ba'i phyir phyogs bcu nas de bzhin gshegs pa sangs rgyas
9a₈ kyi zhing stong phrag bcu'i rdul phra rab kyi rdul snyed thams cad kyang mtshan mthun pa 'di dag thams cad khyod la byin gyis rlob kyis rigs kyi bu 'di lta ste/ byang chub sems dpa' rnam par gzhag pa bcu las brtsams te/ sangs rgyas

_{iiif viewer powered by OpenSeadragon}

8b - 9b

Texts on this page