| e-texts navigator |
| བོད་ཡིག |
8a1 kyis gsungs pa'i don bdag gis 'tshal ba ltar na nyan thos kyis ni nyan thos kyi chos rnams ma thob pa nyid lags so/ / bcom ldan 'das kyis bka' stsal ba/ rigs kyi bu nyan thos kyis nyan thos kyi chos rnams
8a2 mthob pa ni ma yin te/ 'on kyang nyan thos la byang chub sems dpa' dang lhan cig tu dris pa la lan gdab pa 'am/ spyod pa byin gyis brlabs par bya ba'i nus pa dang mthug la yod/ de nas bcom ldan 'das la 'jam dpal gzhon
8a3 nur gyur pas 'di skad ces gsol to/ / bcom ldan 'das shA ra dwa ti'i bu 'di ni de bzhin gshegs pas shes rab dang ldan pa rnams kyi mchog tu bstan pa lags na bstan pa 'di gang la bstan pa lags/ bcom ldan 'das kyis//
8a4 bka' stsal pa/ 'jam dpal ngas gang bstan pa 'di ni bstan pa med pa'o// de nas 'jam dpal gzhon nur gyur pas gnas brtan shA ra dwa ti'i bu la 'di skad ces smras so// gnas brtan gyis nyan thos kyi chos rnams thob bam/
8a5 smras pa/ de ni ma yin no// 'jam dpal gyis smras pa/ 'o na ci khyod so so'i skye bo 'am/ smras pa/ de ni ma yin no// 'jam dpal gyis smras pa/ 'o na ci khyod slob pa 'am/ smras pa de ni ma yin no// 'jam dpal gyis smras pa/
8a6 'on khyod ci shes rab dang ldan pa'i mchog yin nam/ smras pa/ de ni ma yin no// 'jam dpal gyis smras pa/ gal te btsun pa shA ra dwa ti'i bu so so'i skye bo yang ma yin/ slob pa yang ma yin/ shes rab dang ldan pa'i mchog kyang
8a7 ma yin ni de nyid khyod dmigs pa can du 'gyur ro/ / shA ra dwa ti'i bus smras pa/ rigs kyi bu kho bo ni skyes bu dam pa rgya mtsho ltar gting dpag dka' ba khyod dang 'gyed par ma byed do// jam dpal gyis smras pa/ btsun pa shA rA tI'i ts+tsha/
8a8 khyod na rgan rabs thu bo mchog yin gyis btsun pa shA ra dwa ti'i bu de skad mazer cig/ gnas brtan gyis smras pa/ rigs kyi bu rgas pa'i dngos pos ni ci yang 'do bar mi 'gyur/ mngon par rtogs par mi 'gyur ro// rigs kyi
iiif viewer powered by OpenSeadragon
Texts on this page
Q472 - 'phags pa dkon mchog ta la la'i gzungs zhes bya ba theg pa chen po'i mdo