| e-texts navigator |
| བོད་ཡིག |
7b1 chos thams cad kyi rgyu 'thun pa yin no/ / 'di ni chos kyi char chen po yin no// de nas shing sa la chen po lta bu'i bram ze mnyam pa nyid du gnas pas bcom ldan 'das la 'di skad ces gsol to// bcom ldan 'das byang chub
7b2 ni nanyam pa nyid bsam gyis mi khyab pa lags te/ de la yi ge mi dmigs/ tshig 'bru mi dmigs so// bcom ldan 'das kyis bka' stsal pa/ rigs kyi bu de de bzhin te/ chos kyi dbyings la tshig 'bru phyi snang / don kyang mi snang
7b3 do/ / de nas bcom ldan 'das la 'jam dpal gzhon nur gyur pas 'di skad ces gsol to// bcom ldan 'das stong pa nyid kyi rgyu 'thun pa gang lags/ rnam pa gang lags/ rtags gang lags mtshan ma gang lags/ bcom
7b4 ldan 'das kyis bka' stsal pa/ 'jam dpal stong pa nyid ni brjod du med pa/ bsnyad du med pa ste/ brjod du med pa'i chos nyid 'di la mos pa gang yin pa de stong pa nyid ces bya'o// stong pa nyid de ni yi ge med pa ste/ de'i phyir
7b5 stong pa nyid ces bya'o/ / stong pa nyid de ni bsnyad du med pa ste/ de'i phyir stong pa nyid ces bya'o// rigs kyi bu chos thams cad ni ngo bo nyid kyis stong ngo // de nas bcom ldan 'das la tshe dang ldan pa shA ra dwa ti'i bus 'di skad ces gsol
7b6 to/ / bcom ldan 'das byang chub sems dpa' bsam gyis mi khyab pa'i chos la gnas pa rnams kyi rnam par 'phrul ba la gzigs/ bcom ldan 'das kyis bka' stsal pa/ tshe dang ldan pa shA ra dwa ti'i bu sems dang po bskyed bI/
7b7 byang chub sems dpa'i shes pa ni mchog yin gyi dgra bcom pa'i shes pa ni de ltar ma yin no// de ci'i phyir zhe na/ dgra bcom pa ni sangs rgyas kyi chos rnams las ring du gnas la/ byang chub sems dpa' de ni sangs rgyas bcom
7b8 ldan 'das su 'gyur ba'i phyir ro/ / de nas bcom ldan 'das la byang chub sems dpa' sems dpa' chen po chos thams cad kyi dbang phyug gi rgyal po 'di skad ces gsol to// bcom ldan 'das ji ltar bcom ldan 'das
iiif viewer powered by OpenSeadragon
Texts on this page
Q472 - 'phags pa dkon mchog ta la la'i gzungs zhes bya ba theg pa chen po'i mdo