rKTs

e-texts navigator

Volume

Page

7a₁ pa'i phyir zhe na/ phung po lnga dmigs pa med pa'i phyir ro// 'jam dpal gyis smras pa/ byang chub spros pa dang bcas pa yin nam/ 'on te spros pa med pa yin/ byang chub sems dpa' kun tu bzang pos smras pa/
7a₂ rigs kyi bu byang chub ni spros pa dang bcas pa yang ma yin/ spros pa med pa yang ma yin te/ 'di ltar byang chub dang / spros pa dang bcas pa dang / spros pa med pa ni gnyis su med de gnyis su dbyer med do// de nas bcom ldan
7a₃ 'das kyis byang chub sems dpa' sems dpa' chen po kun du bzang po la rigs kyi bu bsam gyis mi khyab pa bstan pa 'di legs so legs so zhes bya ba byin no/ / gtam 'di brjod pas lha dang bcas pa'i 'jig rten 'di
7a₄ la rmongs par 'gyur ro/ / 'jam dpal gyis gsol pa/ bcom ldan 'das chos bstan pa 'di lta bu ni rnam par 'tshal bar mi rung ngo // bcom ldan 'das kyis bka' stsal pa/ rigs kyi bu de de bzhin te/ ji skad smras pa
7a₅ bzhin no/ / de nas bcom ldan 'das la 'jam dpal gzhon nur gyur pas 'di skad ces gsol to// bcom ldan 'das chos thams cad btags pa lags sam/ bcom ldan 'das kyis bka' stsal pa/ rigs kyi bu de de
7a₆ bzhin te/ ji skad smras pa bzhin no// de nas bcom ldan 'das la byang chub sems dpa' kun du bzang pos 'di skad ces gsol to// bcom ldan 'das rnam par dag pa'i sgo 'di ni mos par bgyi dka' ba lags so//
7a₇ bcom ldan 'das kyis bka' stsal pa/ rigs kyi bu de de bzhin te/ ji skad smras pa bzhin no// de nas bcom ldan 'das la byang chub sems dpa' blo gros rgya mtshos 'di skad ces gsol to// bcom ldan 'das byang chub
7a₈ sems dpa' kun tu bzang pos rnam par dag pa'i sgo bstan pa 'di legs par spras lags so/ / bcom ldan 'das kyis bka' stsal pa/ rigs kyi bu de de bzhin te/ ji skad smras pa bzhin no// rigs kyi bu gzhan yang 'din

_{iiif viewer powered by OpenSeadragon}

6b - 7b

Texts on this page