| e-texts navigator |
| བོད་ཡིག |
77b1 lan brgya stong du gtor nas g.yo bar 'gyur/ bdag nyid kyang bcom ldan 'das de bzhin gshegs pa 'od dpag med dang / sman ras gzigs dbang phyug mthong bar 'gyur/ gzungs chen po thos ma thag tu ci 'dod pa
77b2 de thob par 'gyur/ thos pa 'dzin par yang 'gyur/ las kyi sgrib pa thams cad kyang byang bar 'gyur ro// bcom ldan 'das kyis de skad ces bka' stsal nas/ dge slong de dag dang byang chub sems dpa' de dag dang / thams
77b3 cad dang ldan pa'i 'khor de dang lha dang mi dang lha ma yin dang dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// 'phags pa tsan dan gyi yan lag ces bya ba'i gzungs
77b4 rdzogs s+ho/ / // rgya gar gyi mkhan po dzi na mi tA dang / d+ha na shI la dang / zhu chen gyi lo ts+tsha ba ban d+he ye shes sdes bsgyur cing zhus te skad gsar chad kyis kyang bcos nas gtan la phab pa// d+ha gar skad du/ Ar+ya a gra pra d+hA
77b5 pa d+hA ra NI bi d+ha rA dzA/ bod skad du/ 'phags pa rig sngags kyi rgyal po sgron ma mchog gi gzungs/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na bcom
77b6 ldan 'dis mnyan yod na rgyal bu rgyal byed kyi tshal mgon med zas sbyin gyi kun dga' ra ba na dge slong stong nyis brgya lnga bcu'i dge slong gi dge 'dun chen po dang / lha dang mi 'bum phrag du ma dang / byang chub sems dpa' 'bum
77b7 phrag du ma dang thabs gcig tu bzhugs te/ yongs su bskor cing mdun gyis bltas nas chos ston to// sangs rgyas kyi zhing 'di na sangs rgyas kyi zhing bye ba brgya phrag stong 'das pa na 'jig rten gyi khams me tog mtha' yas
77b8 shes bya ba de na de bzhin gshegs pa dgra bcom pa yang dag par rdzogs pa'i sangs rgyas sgron ma mchog ces bya ba da ltar bzhugs te/ 'tsho zhing gzhes la chos kyang ston pa des byang chub sems dpa' 'od chen po dang /
iiif viewer powered by OpenSeadragon
Texts on this page
Q482 - 'phags pa tsan+dan gyi yan lag ces bya ba'i gzungs
Q483 - 'phags pa rig sngags kyi rgyal po sgron ma mchog gi gzungs