rKTs

e-texts navigator

Volume

Page

159a₁ gis de bzhin gshegs pa la mchod pa bgyis na de'i bsod nams ji snyed cig bskyed par 'gyur zhes seng ge rnam par rtse khyod de skad ma zer cig/ de ci'i phyir zhe na/ de bzhin gshegs pa ni tshul khrims
159a₂ dpag tu med pa/ ting nge 'dzin dpag tu med pa/ shes rab dpag tu med pa/ rnam par grol ba dpag tu med pa/ rnam par grol ba'i ye shes mthong ba dpag tu med pa ste/ seng ge rnam par rtse gang gi phyir de
159a₃ bzhin gshegs pa dgra bcom pa yang dag par rdzogs pa'i sangs rgyas yon tan gyi tshogs dpag tu med pa dang ldan pa de'i phyir de la mchod pa'i rnam par smin pa de yang dpag tu med par shes par bya'o/ / seng ge
159a₄ rnam par rtse gang la la dag de bzhin gshegs pa bzhugs kyang rung / yongs su mya ngan las 'das kyang rung ste/ mchod pa byed pa de dag thams cad ni 'di lta ste/ nyan thos kyi theg pa 'am/ rang sangs rgyas kyi theg
159a₅ pa 'am/ theg pa chen po 'am/ theg pa gsum las theg pa gcig gis yongs su mya ngan las 'da' bar 'gyur ro// seng ge rnam par rtse yang gang gis de bzhin gshegs pa dgra bcom pa yang dag par rdzogs
159a₆ ba'i sangs rgyas mthong nas sems dad par gyur la/ dad pa'i sems kyis rnyed pa dang / na bza' dang / zhal zas dang / gzims cha dang / spyan gsos sman dang / yo byad dang / bde bar sbyar ba thams cad
159a₇ kyis sti stang du byas shing / ri mor byas te mchod cing rjod la/ rim gror byas pa dang / gang zhig gis de bzhin gshegs pa yongs su mya ngan las 'das pa'i ring bsrel yungs 'bru tsam gyis mchod rten la
159a₈ mchod pa byas pa'i rnam par smin pa mnyam par shes par bya ste/ bye brag gam tha dad du bya ba med do// seng ge rnam par rtse byang chub sems dpa' khyim pa gang zhig gis nyan thos dang / rang sangs rgyas dang /

_{iiif viewer powered by OpenSeadragon}

158b - 159b

Texts on this page