| e-texts navigator |
| བོད་ཡིག |
3b1 ldan 'das shAkya thub pa la gnod pa chung ngam/ nyam nga ba chung ngam/ ldang ba yang ngam/ reg par gnas sam zhes rmed par bya'o// de nas yang bcom ldan 'das de bzhin gshegs pa 'od dpag tu med pas byang chub
3b2 sems dpa' sems dpa' chen po spyan ras gzigs dbang phyug la bka' stsal to/ / sems dpa' chen po gang+gA'i klung brgya stong phrag gang+gA'i bye ma la sogs pa'i de bzhin gshegs pa dgra bcom pa yang dag par
3b3 rdzogs pa'i sangs rgyas rnams kyis kyang khyod kyi rigs dang / gsang sngags kyi spyod pa dang / dkyil 'khor gyi rtog pa dang / gsang ba'i dbang bskur ba dang / phyag rgya dang / ras ris kyi cho ga dang /
3b4 sbyin sreg dang / bzlas pa'i nges pa bsam pa thams cad yongs su rdzogs par byed pa/ sems can thams cad kun nas dga' bar byed pa/ rin po che snang ba'i le'u rab 'byam/ 'das pa dang ma
3b5 'ongs pa dang / da ltar byung ba'i ye shes rnams kyis rang gi rig sngags dang / gsang sngags la 'jug par byed pa ston pa/ mthar thug par zin pa dang / nang gi dus dang ldan pa dang / dam tshig
3b6 rab 'byam le'u dang / 'jig rten dang / 'jig rten las 'das pa mtha' dag ma lus par bsdus pa/ sangs rgyas dang / byang chub sems dpa' thams cad dang / 'phags pa nyan thos dang / rang
3b7 sangs rgyas dang / byang chub sems dpa'i sa la bzhugs pa dang / spyod pa mthar thug pa gsung ba dang ldan pa dag gsungs pa la yang / 'di la rjes su yi rang ba kho na'o// sems dpa' chen po/
3b8 da lta de'i dus la bab par shes na khyod song shig/ shAkya thub pa'i drung du de la mngon du phyogs pas dam pa'i chos kyi rnam grangs 'di nyon la khyod kyang smra bar 'gyur ro// 'di la yang rtsa ba'i rig sngags su 'gyur ba ni/
iiif viewer powered by OpenSeadragon
Texts on this page
Q469 - ral pa gyen brdzes kyi rtog pa chen po