| e-texts navigator |
| བོད་ཡིག |
196a1 tshe/ rang gi lag gi rdo rje nyid// dga' zhing mgu bas gsor byas te// bye ba rdul snyed bcas pa yis// rab tu bskor ba byas pa yis// 'jig rten drug tu bcas pa dag/ 'khrugs shing rnam par g.yo mdzad de// kun du
196a2 rab g.yo rnam par g.yo/ / stong gsum 'jig rten 'khor yug bcas// 'od dang sgra yis gang mdzad de// rmad 'byung sku gsung thugs rnams kyi// ngo mtshar cho 'phrul rnam par snang // ngo mtshar cho 'phrul rmad 'byung gi/ phyi nang
196a3 gsang ba'i mchod pa dang / / 'dod yon lnga yis khyab mdzad de// rgyal ba'i tshogs kun mnyes par byas// kun kyang dga' zhing mos pa yis// zhing khams rdul dang mnyam pa yi// 'khor tshogs rnams ni bstod pa 'di// sna
196a4 tshogs sgras ni glu ru blangs/ / oM aHhU~M a la la ho// sgyu 'phrul dra ba'i thugs ni ma skyes ye shes 'dod pa'i thugs// mi rtog gsal ba'i thugs ni kun la khyab par gnas// gang yang dbyer med 'dus byas ma yin 'dus
196a5 ma byas min skye 'jig med/ / dam pa'i thugs la byung tsher g.yo 'gog ci yang med pas bde to// sgyu 'phrul dra ba'i sku ni sna tshogs 'od 'bar bde ba'i sku// sna tshogs mtha' yas ji ltar snang ba ngo bos dben// de nyid 'dra ba'i thab/
196a6 kyis de ltar yid 'phrog tshim pa'i sku// mtha' yas sna tshogs bye brag ji ltar gsal yang nam mkha'i dang du bye brag med to// sgyu 'phrul dra ba'i yon tan yid bzhin nor bu rin po che// mi zad par ldan rgyan gyi 'khor lo dpag tu
196a7 med rgyas par snang / / 'gro ba rnams ni yid 'phrog bltas pas chog shes med par mdzes// rgyal ba ma lus yon tan rdzogs par snang la de dag mtha' thug med to// sgyu 'phrul dra ba'i gsung ni zab cing brgya cher nam mkha' 'dra//
196a8 ma lus go zhing tshim mdzad rdo rje'i sgra 'byin snyan sgrogs pa// rdo rje sgra chen mtha' yas mos dang / 'thad pa de bzhin rnam par snang ho// sgyu 'phrul dra ba'i phrin las sna tshogs bya ba lhun gyis grub// bskal pa zhing gi rdul snyad 'gro
iiif viewer powered by OpenSeadragon
Texts on this page
Q456 - rdo rje sems dpa'i sgyu 'phrul dra ba gsang ba thams cad kyi me long zhes bya ba'i rgyud