| e-texts navigator |
| བོད་ཡིག |
148b1 bzhin nyid/ / de nyid thig le phra rags par// snang ba'i mdzad pa bsam mi khyab// de yis de 'dul snang ba'i rgyu// sprul pa rang bzhin zhes bshad do// gang 'dir phung po 'byung ba dang // rnam shes dbang po yul dus dang // nyon
148b2 mongs rtag chad yid chos bcas/ / gang la mngon par mi snang yang // rang bzhin ma bcos dkyil 'khor te// kun la khyab par snang ba yin// rang snying dngas ma lngar ldan pa// dngas ma'i phung po 'byung ba dang // dbang po
148b3 yul du bcas pa yi/ / rtsa bcud thig ler bcas pa nyid// sku gsung thugs su rang snang ba// ma lus kun la rgyas btab po// bcud 'dus thig le chen po nyid// nyi zla 'dres pa'i rang bzhin nyid// bde ba'i thig le rang snang
148b4 ba/ / ma lus 'dus pa'i tshul dag gis// thabs kyis mngon du gyur na yang // gnyis med thig le bde ba'i ro// 'gro ba kun la rang bzhin snang // de dag yab yum sku gsung thugs// rtsa bcud thig ler bcas pa nyid// 'du//
148b5 'bral med par ye gnas pa'o// gang phyir rgyal ba thams cad kyi// zag med ye shes rang snang ba// dpag med yon tan rgya mtsho nyid// ye shes 'og min pho brang ste// zag med yon tan rgyan ldan pa'i// 'khor la 'bar
148b6 ba'i pho brang dbus/ / mi 'jigs phung po'i gdan stengs na// bdag po kun bzang 'khor lo bskor// bka' sdod skyes bu mdun na gnas// gzhan yang rgyal ba rgya mtsho'i tsho gas// sku gsung thugs dang yon tan las//
148b7 rang rang rigs lnga gang gyur pa'i// rnam thar dbu dang ye shes phyag/ so so'i bzhugs tshul ldan pa yis// mdun rgyab phyogs bcur 'khod pa nyid// yab yum 'brel ba'i tshul gyis gnas// rang 'byung ma bsgribs ye
148b8 shes phyir/ / zag med tshogs gnyis las byung ba'i// nam mkha'i khams dang rgya mnyam pa'i// 'jig rten drangs med rdul dang bcas// bkod pa phun sum tshogs par gnas// gang de zag med ye shes kyi// phyag dang
iiif viewer powered by OpenSeadragon
Texts on this page
Q456 - rdo rje sems dpa'i sgyu 'phrul dra ba gsang ba thams cad kyi me long zhes bya ba'i rgyud