| e-texts navigator |
| བོད་ཡིག |
133a1 ston pas snying po ste/ / snying po dang ni 'od bzhin no// rgyu dang 'bras bu bcud 'dus pas// snying po zhes ni bshad pa yin// gang phyir thams cad byang chub sems// mtha' dbus yongs su ma chad pa// dngos po
133a2 gsum gyis khyab gyur pa/ / yongs su rdzogs pa'i rgyu yin no// thabs dang shes rab dbyer med pa'i// de bzhin nyid du rdo rjes rig/ bdag dang gzhan don nus pa rdzogs// 'bras bu'i de kho na nyid do// gang phyir dngos gnyis tha
133a3 dad par/ / log par brtags pa'i snang ba rnams// mun la snang dang gser 'gyur ltar// ro gcig thabs kyi de kho na// de phyir de kho na zhes brjod// dngos po sna tshogs dbyer med pa'i// tha dad don min don gcig min//
133a4 de nyid gsang ba'i nges pa ni// gzhi dang lam dang ngo bo dang // nges pas nges pa gsum du bstan// gang du theg pa bzhi gsungs pa// 'gro ba 'dren phyir ma nges pa// ro gcig theg par nges gnas pa// nges pa'i theg pa bla na
133a5 med/ / rang bzhin ma bcos rang 'byung las// bya byed rang gis bral ba yi// sna tshogs sgyu ma'i dkyil 'khor 'phrul/ rang snang sgyu 'phrul dra ba'o// rang bzhin mtha' dbus med pa las// rgyu rkyen las kyis so so 'khrul// de nyid
133a6 byang chub sems nyid de/ / mtha' dbus med par mnyam par gnas// de ltar so sor snang ba'i rgyud// nam mkha' dang ris phye ba ltar// rgyud chen sgyu 'phrul dra ba yi// lam gnyis 'brel bar mngon bsgoms pas// thabs
133a7 dang shes rab dbyer med pa'i/ / bde chen thig le mngon snang ba// 'jug dang grol ba'i lam nyid de// sgyu 'phrul dra ba'i lam du brjod// rang bzhin yongs kyi khyab pa yi// dngos dbang thabs kyis 'brel ba yis// rim pa ji
133a8 bzhin stobs gyur pas/ / khyad par thabs kyi sgyu 'phrul yin// thog ma med pa'i rdo rje sems// chos kun rang gi ngo bo nyid// zab mo bstan pa spyi'i lung // thabs dang shes rab dbyer med pa'i// rtogs pa'i cho ga rgyas
iiif viewer powered by OpenSeadragon
Texts on this page
Q456 - rdo rje sems dpa'i sgyu 'phrul dra ba gsang ba thams cad kyi me long zhes bya ba'i rgyud