| e-texts navigator |
| བོད་ཡིག |
40a1 par bstan pa/ khams gsum pa'i rgyal po chen po 'byung po dang / klu dang gnod sbyin dang / rig 'dzin rnams 'jig par byed pa/ bgegs thams cad 'joms pa/ sdug bsngal ba dang / nyon mongs pa thams
40a2 cad sel ba/ gdon thams cad dang / ro langs dang lus srul po rnams gsod pa/ dkyil 'khor gosang chen thams cad grub par byed pa bshad du gsol/ de nas 'khor gyi dkyil 'khor der gnas pa'i byang chub sems
40a3 dpa' sems dpa' chen po 'jam dpal gzhon nur gyur pas 'byung po'i dbang phyug lha chen po la legs so zhes bya ba byin te/ legs so legs so// lha chen po ma 'ongs pa'i dus na 'dzam bu'i gling gi mi rnams la
40a4 phan pa'i don du 'byung po thams cad dang / klu dang gnod sbyin dang / mi 'am ci rnams bran mor sgrub pa'i thabs khro bo'i bdag po chen pos gsungs shig/ de nas 'dir ni bshad bya ba// dkyil 'khor chen po dam pa ste/
40a5 gru bzhi pa la sgo bzhi pa// rta babs dag ni bzhis brgyan cing // cha rnams bcu drug dag dang ldan// rdo rje rabs mdzes byas pa// de'i dbus dgod byadag po ste// 'bar ba'i phreng ba yang dag 'khrug/ khro bo chen po phyag bzhi pa//
40a6 mig sman sbyangs pa'i 'od 'dra zhing // phyag g.yas kyis ni rdo rje gsor// g.yon pa'i phyag gis bsdigs 'dzub mdzad// zhal gyi mche ba gtsigs pa ste// sbrul brgyad kyis ni rnam par brgyan// thod pa'i phreng ba'i cod pan
40a7 can/ / 'jig rten gsum yang 'jigs byed cing // sgra cher drag tu bzhad mdzad pa// 'jig rten gsum po'i bdag po ste// g.yon brkyang ba yis legs par bzhugs// nyi ma bye ba'i gzi ldan la// gzhan gyis mi thub zhabs
40a8 kyis mnan/ / phyag rgya 'ching bas bzhugs pa ste// srin lag gnyis ni 'khyud nas su// 'dzub mo gnyis ni bkug byas te// mthe'u chung dang ni gung mo dag/ mthe bo yis ni mdan byas pa// dpal ldan 'di 'dra'i rgya 'dzin cing //
iiif viewer powered by OpenSeadragon
Texts on this page
Q404 - 'byung po 'dul ba zhes bya ba'i rgyud kyi rgyal po chen po